فرێجی و مەشهەدانی جەخت لەسەر پێویستی هەماهەنگی هاوبەش لە نێوان فراكسیۆنه‌كان و لیژنەکانی پەرلەمانیدا دەکەنەوە

بەغدا - INA

سکرتێری گشتی هاوپەیمانی نه‌هجی نیشتیمانی، عەبدولسەدا فرێجی و سەرۆکی ئەنجومەنی نوێنەران، مەحمود مەشهەدانی جەختیان لەسەر پێویستی هەماهەنگی هاوبەشی نێوان فراكسیۆنه‌كان و لیژنەکانی پەرلەمانی کرد.

لە بەیاننامەیەکی هاوپەیمانی نه‌هجی نیشتیمانی ، کە بۆ ئاژانسی هەواڵی عێراقی (INA)  نێردراوه‌، تێیدا هاتووە، “عەبدولسەدا فەرێجی، ئەمینداری گشتی هاوپەیمانی نه‌هجی نیشتمانی، پێشوازی لە سەرۆکی ئەنجومەنی نوێنەران، مەحمود مەشهەدانی ، و شاندی یاوەری کرد هه‌روه‌ها  ئەمینداری گشتی پیرۆزبایی له‌ مەشهەدانی نوێکردەوە بۆ بەدەستهێنانی متمانەی زۆرینەی نوێنەرانی گەل، لەو کاتەدا جەختی لەسەر گرنگی کاراکردنی ڕۆڵی یاسادانان و چاودێریکردنی ئەنجومەنی نوێنەران و پەرەپێدانی ئەدای کارکردن کردەوە لە هەموو ئاستەکاندا”.

ئاماژەی بەوەشکرد، "لە میانی کۆبوونەوەکەدا باس لە ئەرکەکانی دەسەڵاتی یاسادانان لە قۆناغی داهاتوودا کرا و جەخت لەسەر پێویستی یەکلاکردنەوەی یاسا گرنگەکان و دروستکردنی میکانیزمێکی نەرم و نیان بۆ هەماهەنگی هاوبەش لە نێوان بلۆکەکان و لیژنەکانی پەرلەمان کرایەوە".

هه‌روه‌ها ئه‌وه‌یش هاتووه‌ كه‌ هەڵوێستی پتەوی عێراقیش بە وەستانەوە لەگەڵ گەلانی فەلەستین و لوبنان لە دژی دەستدرێژیی قەوارەی زایۆنی بۆ سەر غەززە و لوبنان و هاوسۆزی تەواو لەگەڵ مافەکانی ئەو دوو گەلە لە بەرامبەر ئەم دەستدرێژییە و بەردەوامی پێشێلکارییەکان دووپاتکرایەوە.