سەرۆک وەزیران ڕێنمایی دەکات بە خێرایی كۆتایی به‌مامەڵەی کاغەزی لە گومركه‌كان بێت

به‌غدا-INA
ئەمڕۆ دووشەممە، محەمەد شیاع سودانی، سەرۆکی ئه‌نجوومه‌نی وەزیران، ڕێنمایی كرد كه‌دەستبەجێی مامەڵەی کاغەزی لە گومرگەکان به‌كۆتایی بێت وبۆ مامه‌ڵه‌ی ئەلیکترۆنی بگۆدرێت.
نووسینگه‌ی ڕاگەیاندنی سەرۆک وەزیران لە ڕاگەیەندراوێکدا کە بۆ ئاژانسی هەواڵی عێراقی (INA) ناردووە - ڕایگەیاندووە" محەمەد شیاع سودانی، سەرۆکی ئه‌نجوومه‌نی وەزیران سەرپەرشتی کۆبوونەوەیەکی کرد بۆ بەدواداچوون بۆ ڕێکارەکانی ئۆتۆماتیکیکردنی کار لە گومركه‌كاندا، وتێدا پلانی ورد بۆ جێبەجێکردنی قۆناغی دووەمی پرۆسەی ئۆتۆماتیکیکردن خرایه‌ڕوو."
لە کۆبوونەوەکەدا گفتوگۆ لەسەر ئەو میکانیزمانەی کە پڕۆسەی گۆڕانکاری و ئۆتۆماتیکیکردن لە دەروازە سنوورییەکان و دەروازە سنوورییەکان ئەنجام دەدرێت كرا، کە 11 دەروازەیان تەواو بووە، بە ئامانجگرتنی ئەو بەندەرانەی زۆرترین داهاتیان هەیە و ئەوانەی زۆرترین ئامادەکارییان هەبووە له‌ده‌روازه‌كان بۆ گۆرینی مامه‌ڵه‌ لە کاغەزەوە بۆ ئەلیکترۆنی."
سودانی داوای كرد کێبڵی پێویست بۆ هەموو ئەو دەروازانەی کە ماونەتەوە ڕابكێشرێت، بە شێوەیەک کە بەشداربێت لە گواستنەوەی زانیاری و بەردەستبوونی لە سەرجەم بەندەرەکان. هەروەها سەرۆک وەزیران جه‌ختی لەسەر گرنگی وازهێنان لە مامەڵەی کاغەزی لە گومركه‌كان و پەسەندکردنی مامەڵەی ئەلیکترۆنی ئۆتۆماتیکی كرده‌وه‌، له‌پێناو ئەوەی  ئەو بەرنامەیەی کە حکومەت پەسەندی کردووە سه‌ركه‌وێت، بەو پێیەی یەکێکە لە گرنگترین میحوەرەکانی چاکسازی ئابووری و کارگێڕی و کارایی و شەفافیەت و سادەکردنی ڕێکارەکان، هەروەها زۆرترین داهاتی دارایی بۆ دەوڵەت بەدەست دەهێنێت.