وەزارەتی خوێندنی باڵای هه‌رێم :رۆژی یەکشەمە ئەنجامی زانکۆلاین ڕادەگەیەنرێت
ناوخۆ
- 31-10-2024, 17:54
هه‌ولێر -INA
وەزارەتی خوێندنی باڵا و توێژینەوەی زانستی ئاشكرایكرد كه رۆژی یەکشەمە رێکەوتی (2024/11/3) لە کۆنگرەیەکی رۆژنامەوانیدا ئەنجامەکانی وەرگرتنی دەرچوانی دوانزەی ئامادەیی لە زانکۆ و پەیمانگەکان بۆ ساڵی نوێی خوێندنی (2024-2025) ڕادەگەیەنرێت.
هه‌روه‌ها دوای راگەیاندنی ئەنجامەکان لە ڕێکەوتی (2024/11/10) دەستدەکرێت بە پرۆسەی خوێندنی قۆناغی یەکەم لە زانکۆکان، بۆیە پێویستە لەسەر وەرگیراوان لەدوای ڕاگەیاندنی ئەنجامەکان ڕاستەوخۆ پەیوەندی بە زانکۆکانیان بکەن بۆ ئەم مەبەستەش زانکۆکانی هەرێمی کوردستان ئامادەکاری پێویست دەکەن بۆ پێشوازیکردن لە وەرگیراوان بۆ ساڵی نوێی خوێندنی (2024-2025).
