ئاسایشی نیشتمانی دەستگیرکردنی 39 تۆمەتباری بەتاوانی تێوەگڵان لە تیرۆر ڕاگەیاند
ئەمنی
- 31-10-2024, 14:30
بەغدا-INA
ئەمڕۆ پێنج شەممە،دەزگای ئاسایشی نیشتمانی ئەنجامی گرنگترین ئۆپەراسیۆنەکانی مانگی تشرینی یەکەمی 2024ی ڕاگەیاند.
لە ڕاگەیەندراوێکی ئاژانسەکەدا، کە بۆ ئاژانسی هەواڵی عێراقی (INA) ناردوویەتی، تێیدا هاتووە :- (39) تۆمەتبار بەتاوانی تیرۆر،و (51) بازرگانی مادەی هۆشبەر، و (90) تۆمەتباریش بەتۆمەتی هەڕەشەی ئەلیکترۆنی دەستگیرکراون،ئەوە جگە لە دەستگیرکردنی (50) تۆمەتباری تر بەهۆی لایەنگریان بۆ ڕێکخراوە توندڕەوەکان.
هەر بەگوێرەی ڕاگەیەندراوەکە: ئەم هەڵمەتە ئۆپەراسیۆنە تایبەتانە چەند پارێزگایەکی جیاوازی وڵاتی گرتەوە،کە لەئەنجامی ڕەنگدانەوەی هەوڵە بەردەوامەکانی دەزگای ئاسایشی نیشتمانی یە بۆ بەرزکردنەوەی ئاسایش و سەقامگیری لە وڵات.
