وەزارەتی دەرەوەی ئێران : دەستدرێژی زایۆنیستەكان بۆ سەرپێگە سەربازییەكان پێشێلكردنی ئاشكرای یاسا نێودەوڵەتییەكانە

بەدواداچوون - INA
ئەمرۆ شەممە وەزارەتی دەرەوەی كۆماری ئیسلامی ئێران ئیدانەكردنی ئەو كارە شەڕانگێزانەی زایۆنیستی بەرامبەر ژمارەیەك پێگەی سەربازی ئەنجام داوە بە پێشێلكردنی ئاشكرای یاسای نێودەوڵەتی و جاڕنامەی نەتەوە یەكگرتووەكان لەقەڵەم دا.
وەزارەتەكە لە بەیاننامەیەكدا  هاتووە : بە توندی ئیدانەی ئەو كارە شەڕانگێزانەیە كە قەوارەی زایۆنیستی بەرامبەر ژمارەیەك پێگەی سەربازی لە ئێران ئەنجام داوە، بەزۆری دەستدرێژی بە پێشێلكردنی ئاشكرای یاسا نێودەوڵەتییەكان و جاڕنامەی نەتەوە یەكگرتووەكان، بەتایبەتی بنەمای پێشگرتن لە هەڕەشەكان و یان بەكارهێنانی هێز دژی یەكپارچەیی خاكی و سەروەری نیشتمانی دەوڵەتەكان.
ووتیشی: هەروەك چۆن لە لایەن دەسەڵاتی كارامە لە كۆماری ئیسلامی ئێرانەوە چەندین جار جەختی لەسەر كراوەتەوە، ئێران پێی وایە بە پشتبەستن بە مافی سروشتی خۆی بۆ بەرگری شەرعی، هەروەك لە مادەی 51ی جاڕنامەی نەتەوە یەكگرتووەكاندا هاتووە، كە مافی خۆی هەیە و مافی ئەركی بەرگریكردن لە خۆی لە كردەوەی شەڕانگێزی دەرەكی.
كۆماری ئیسلامیی ئێران بە پێی ڕاگەیەندراوەكە : بە پشتبەستن بە هەموو توانا ماددی و مەعتەوییەكانی گەلەكەی لە پێناو بەرگریكردن لە ئاسایش و بەرژەوەندییە ژیانییەكانی خۆی، و ئاگاداری بەرپرسیارێتی خۆی بەرامبەر بە ئاشتی و ئاسایشی ناوچەیی، بەرپرسیارێتی تاكەكەسی و دەستەجەمعی دووپات دەكاتەوە لە هەموو وڵاتانی ناوچەكە بۆ پاراستنی ئاشتی و سەقامگیری هەرێمی.
 بە دەربڕینی سوپاس و پێزانینی خۆی بۆ هەموو وڵاتانی ئاشتیخواز لە ناوچەكە و دەرەوەی ناوچەكە كە لە ژێر ڕۆشنایی هۆشیاریی خۆیان لە هەلومەرجی گرینگی هەنووكەیی، كردەوەی شەڕانگێزی قەوارەی زایۆنیستی داگیركەریان شەرمەزار و ئیدانەكردنی خۆیان دەربڕیوە،لەژێر رۆشنایی لەهەلومەرجە مەترسیدارەكانی ئێستا.
هەروەها وتی: گومانی تێدا نییە كە بەردەوامی داگیركاری و پێشێلكاری نایاسایی و تاوانەكانی قەوارەی زایۆنیستی لە ناوچەكەدا، بەتایبەتی تاوانەكانی دژ بە گەلی فەلەستین و دەستدرێژیەكانی بۆ سەر لوبنان- كە بە پشتیوانیی هەمەلایەنەی سەربازی و سیاسی ئەمریكا وهەندێك لە وڵاتانی ڕۆژئاوایی - هۆكاری سەرەكی گرژی و نائەمنی لە ناوچەكەدا پێكدەهێنن.
بەگوێرەی ئەو بەیاننامەیە كۆماری ئیسلامیی ئێران هەموو وڵاتانی ئەندامی نەتەوەیەكگرتووەكان بیرخستەوە،بەرپرسیارێتی خۆیان لە كۆنوسی پێشگرتن و سزادانی تاوانی جینۆساید و چوار كۆنوانسیۆنی ژنێڤی ساڵی 1949 و بەبیر هەموو وڵاتانی ئەندامی نەتەوە یەكگرتووەكان و لایەنەكانی هێنایەوە كە بیگرنەبەر هەنگاوی بەپەلە و بەكۆمەڵ بۆ ڕووبەڕووبوونەوەی پێشێلكارییە قورسەكانی یاسا نێودەوڵەتییەكان، میساقی نەتەوە یەكگرتووەكان و ڕێككەوتننامەی ڕێگریكردن لە جینۆساید و یاسای مرۆیی نێودەوڵەتی، كە لە هەمان كاتدا پێشێلكارییەكی جددی ئاشتی و ئاسایشی نێودەوڵەتی پێكدەهێنن.
ناوبراو جەختی لە زەروورەتی هەنگاوی خێرا و بەپەلەی كۆمەڵگەی نێودەوڵەتی بۆ ڕاگرتنی جینۆساید، شەڕ و دەستدرێژی دژی غەززە و لوبنان و سنوورداركردنی مەیلی شەڕخوازانەی قەوارەی زایۆنیستی كردەوە.