ئه‌نجومه‌نی ئومه‌نایی تۆڕی راگه‌یاندنی عێراقی بە ئامانجكردنی شوێنی نیشتەجێبوونی ڕۆژنامەنووسان لە باشووری لوبنان ئیدانە دەکات
سیاسی
- 25-10-2024, 21:31
بەغدا - INA
ئەمڕۆ هەینی، ئه‌نجومه‌نی ئومه‌نایی تۆڕی راگه‌یاندنی عێراقی بە ئامانجكردنی شوێنی نیشتەجێبوونی ڕۆژنامەنووسان لە باشووری لوبنان لەلایەن قەوارەی زایۆنیستییەوە ئیدانە کرد.
ئه‌نجومه‌نی ئومه‌نایی تۆڕی راگه‌یاندنی عێراقی لە راگه‌یندراوێكدا - کە بۆ ئاژانسی هەواڵی عێراقی (INA) نێردراوه تێیدا هاتووه - “ئه‌نجومه‌نی ئومه‌نایی تۆڕی راگه‌یاندنی عێراقی شەرمەزارکردنی توندی خۆی لە دەستدرێژییە ئەنقەستەکانی زایۆنیستەکان دەردەبڕێت کە شوێنی نیشتەجێبوونی ڕۆژنامەنووسانی لە ناوچەی حاسبایە لە باشووری لوبنان کردە ئامانج ، کە لە ئەنجامدا ژمارەیەک ڕۆژنامەنووس لە کاتی ڕاپەڕاندنی ئەرکی پیشەیی خۆیاندا شەهید و برینداربوون و پێشێلکردنی ئاشکرای یاسا و نۆرمەکانی نێودەوڵەتییە کە سەلامەتی ڕۆژنامەنووسان و مافی خۆیان بۆ پراکتیزەکردنی کارەکانیان بە ئازادی و سەلامەتی گەرەنتی دەکەن”.
ئه‌نجومه‌نی ئومه‌نایی تۆڕی راگه‌یاندنی عێراقی داوای لە کۆمەڵە و ئۆرگانەکانی میدیا و سەندیکاکان لە سەرانسەری جیهان کرد کە "ئەم کردەوە تاوانکارییە مەحکووم بکەن و هەڵوێستی پتەویان هەبێت بۆ تاوانبارکردنی دوژمنی زایۆنیستی لە کۆڕ و کۆڕبەندە نێودەوڵەتییەکاندا"، جەختی لەوە کردەوە کە "لێپرسینەوە لە دەستدرێژکاران و دەستەبەرکردنی پاراستنی ڕۆژنامەنووسان لە ناوچە جێناکۆکەکان بەرپرسیارێتییەکە کە دەکەوێتە ئەستۆی کۆمەڵگەی نێودەوڵەتی، کە دەبێت ڕێوشوێنی بەپەلە بگرێتەبەر بۆ لێپرسینەوە لە ئەنجامدەرانی ئەم تاوانانە و دابینکردنی پاراستنی پێویست بۆ ڕۆژنامەنووسان".
لە کۆتایی راگه‌یندراوه‌كه‌دا هاتووە، " ئه‌نجومه‌نی ئومه‌نایی تۆڕی راگه‌یاندنی عێراقی پرسە و سەرەخۆشی خۆی ئاراستەی کەناڵی ئەلمەنار و کەناڵی ئەلمەیادین و کەسوکاری ڕۆژنامەنووسانی شەهید دەکات، هەروەها بۆ ئەوەی بریندارانی دامەزراوەکانی دیکەی میدیایی چاکبوونەوەی خێرایان ده‌خوازیت، داوای پاراستنی هەموو پیشەگەرەکانی میدیا دەکات و یارمەتی بدرێت بۆ جێبەجێکردنی ئەرکەكانیان."
