نێچیرڤان بارزانی سوپاسی سودانی دەکات و داوا لە هاوڵاتیانیش دەکات بەشداری پرۆسەی دەنگدان بکەن و دەنگی خۆیان بدەن

سیاسی

20-10-2024, 08:30

+A -A

هەولێر-INA
ئەمرۆ یەک شەممە "نێچیرڤان بارزانی" سەرۆکی هەرێمی کوردستان،دوای دەنگدانی سوپاسی"محەممەد شیاع سودانی" سەرۆکوەزیران و سەرۆکی ئەنجوومەنی باڵای دادوەری و کۆمسیۆنی باڵای هەڵبژاردنەکانی کرد، هاوکات ئاماژەی بەوەدا کە هەڵبژاردنەکان شەرعیەت بە دامودەزگاکانی هەرێمی کوردستان دەبەخشن.
بارزانی لە میانی کۆنگرەیەکی ڕۆژنامەوانیدا کە پەیامنێری ئاژانسی هەواڵی عێراقی (INA)ئامادەی بوو ،ڕایگەیاند: سوپاسی "محەممەد شیاع سودانی" سەرۆکوەزیران دەکەم بۆ دەستەبەرکردنی ئەوکەشەی پرۆسەی هەڵبژاردن لە هەرێمی کوردستان.
ڕاشیگەیاند : کە هەڵبژاردن شەرعیەت بە دامەزراوەکان لە هەرێمی کوردستان دەدات.
ووتیشی : لەدوای کۆتاییهاتنی هەڵبژاردنەکان پێکەوە دادەنیشین و حکومەت پێکدەهێنین بۆ خزمەتی هەرێمی کوردستان، بەو هیوایەی بەزووترین کات حکومەتێکی یەکگرتوو پێکبهێنین و بارودۆخی هاووڵاتیان باشتر ببێت.
لە درێژەی قسەکانیدا "نێچیرڤان بارزانی " وتی: کێشەکان لەگەڵ بەغدا لە ڕێگەی دیالۆگ و لەسەر مێزی دانوستان چارەسەر دەکرێن.