كۆمسیۆن: ڕێژه‌ی به‌شداریكردنی ده‌نگدانی تایبه‌ت له‌هه‌رێمی كوردستان بڵاوده‌كاته‌وه‌

هه‌ولێرـ INA

نەبەرد عومەر، به‌رپرسی ده‌سته‌ی هه‌ڵبژاردنه‌كانی هه‌رێمی كوردستان، له‌كۆمسیۆنی باڵای سه‌ربه‌خۆی هه‌ڵبژاردنه‌كانی عێراق، ڕیژه‌ی به‌شداریكردن له‌پرۆسه‌ی ده‌نگدانی تایبه‌ت بۆ په‌رله‌مانی كوردستان تا كاتژمێری 12:00 نیوه‌رۆ له‌هه‌ر چوار پاڕێزگاری هه‌رێمی كوردستان بڵاوكرده‌و كه‌به‌م شێوه‌ی خواره‌وه‌یه‌: 

پاڕێزگای هەولێر 70%

پاڕێزگای سلێمانی 67%

پاڕێزگای دهۆك 77%

پاڕێزگای هەڵەبجە 64%

ڕێژەی بەشداریکردن بە گشتی 70% یە.

هه‌روه‌ها كۆمسیۆن ئه‌وه‌شی ڕاگه‌یاند كه‌ ژمارەی چاودێرانی تۆمارکراوی قەوارە سیاسییەکان گەیشتۆته‌١٣ هەزار و ٤٧٨ چاودێر، وژمارەی چاودێرانی ناوخۆییش دوو هەزار و ١٠٠ چاودێره‌، کە بەسەر پارێزگا جیاوازەکاندا بەم شێوەیە دابەشکراوە:

پاڕێزگای هەولێر: هەزار و 340 چاودێری قەوارە سیاسییەکان و 257 چاودێری ناوخۆیی.

پاڕێزگای سلێمانی: پێنج هەزار و 138 چاودێری سیاسی و 644 چاودێری ناوخۆیی.

پاڕێزگای دهۆك: شەش هەزار و ٧٣٥ چاودێری سیاسی و هەزار و ٧٢٣ چاودێری ناوخۆیی.

پاڕێزگای هەڵەبجە: 265 چاودێری سیاسی، و هیچ چاودێرێکی ناوخۆیی لە ڕێکخراوەکان تۆمار نەکراوە”. 

له‌لایه‌كی تره‌وه‌ نێردراوی ئاژانسی هه‌واڵی عێراقی له‌ناوچه‌ی گه‌رمیان ڕاگه‌یاند" رێژەی دەنگدان لە كفری تا كاتژمێر ١٢  نێوەڕۆ ، لەکۆی ٦٦٦ دەنگدەر، ٥٨٢ کەس دەنگیان داوە و رێژەکەی دەکاتە زیاتر لە ٨٧٪. تائێستا  پڕۆسەی دەنگدان لە گەرمیان بەشێوەیەكی رێك بەڕێوە دەچێت و بێ هیچ كێشەیەك، هه‌روه‌ها رێژەی دەنگدان لە بەغدا تا كاتژمێر ١٢  نێوەڕۆ ٦٥٠ كەس دەنگی داوە.