سەرۆك وەزیران: حكومەت گرنگییەكی زۆر بە پەرەپێدانی پیشەسازییە نەوتییەكان و تواناكانی بەرهەمهێنانی عێراق دەدات

بەغداد - INA
ئەمڕۆ پێنجشەممە،  سەرۆكی ئەنجومەنی وەزیران محەمەد شیاع سودانی، تەئكیدیكردەوە: حكومەت گرنگییەكی زۆر بە پەرەپێدانی پیشەسازییە نەوتییەكان و تواناكانی بەرهەمهێنانی عێراق دەدات.
نوسینگەی ڕاگەیاندنی سەرۆك وەزیران لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: سەرۆكی ئەنجومەنی وەزیران محەمەد شیاع سودانی، ئەمڕۆ پێنجشەممە، پێشوازیكرد لە شاندێكی كۆمپانیای نەوتی لوك ئۆیلی رووسی، كە تیایدا پێداچوونەوە كرا بە ڕەوتی هاوكاری لەگەڵ كۆمپانیاكە و ئەو كارە جێبەجێكارییانەی كە لە عێراق ئەنجامی دەدات.
بە گوێرەی بەیاننامەكە، سەرۆك وەزیران، گوێی لە كورتەیەك گرت سەبارەت بە كارەكانی كۆمپانیاكە لە كێڵگە نەوتییەكانی (ڕۆژئاوای قورنە/2) و (ئەریدۆ)، و ڕادەی پێشكەوتنەكان لە جێبەجێكردندا.
هاوكات سودانی جەختیكردەوە: كە حكومەت گرنگی و ئەولەویەتێكی زۆر دەدات بە پرسی پەرەپێدانی پیشەسازییە نەوتییەكان و تواناكانی بەرهەمهێنانی عێراق لە جێبەجێكردنی پڕۆژەكانی گەشەپێدان، بەمەبەستی زۆرترین داهات، بەتایبەتی لە بواری گواستنەوە بۆ بەرهەمی لێگیراوەكانی نەوت و پترۆكیمیایی جۆراوجۆر، لەسەر بنەمای ژێرخانی فراوان و بەهێز بۆ كەرتی نەوت، بەتایبەتی لە بواری دەرهێنانی نەوتدا.