ئەنجوومەنی وەزیران پێشنیاری ئەوە دەكات كە ڕێگری لە دابەشكردنی نزیكەی 20 ملیۆن تۆن چای بكرێت

بەغدا -  INA
ئەمڕۆ دووشەممە ئەنجوومەنی وەزیران بۆ ئابووری بڕیاری پێشووی خۆی بۆ كڕینی بەرهەمی چیمەنتۆی بیرە ناوخۆییەكان لەلایەن وەزارەتی نەوتەوە پشتڕاستكردەوە، هاوكات ڕاسپاردەی ڕەزامەندی ئەنجومەنی وەزیرانی كرد بۆ سڕینەوەی 19,770,842 تۆن چای هەڵواسراو كە لە كۆگاكانی كۆمپانیای گشتی بۆ بازرگانی خۆراك هەڵگیراون و  فرۆشتنی لە ڕێگەی پێشنیاری گشتی بە مەرجی دووبارە هەناردەی دەرەوەی عێراق چونكە لە چوارچێوەی تایبەتمەندییە ستانداردەكانی عێراقدا نەبووە و دابەشكردنی بەسەر هاووڵاتیاندا قەدەغە بوو.
نووسینگەی ڕاگەیاندنی ئەنجوومەنی وەزیران بۆ ئابوری لە ڕاگەیەندراوێكدا - كە بە ئاژانسی هەواڵی عێراقی (INA) گەیشتووە  وتیایداهاتووە : ئەمڕۆ دووشەممە جێگری سەرۆك وەزیران و وەزیری دەرەوە و سەرۆكی ئەنجوومەنی وەزیران بۆ ئابووری، فوئاد حسێن، سەرۆكایەتی سی و یەكەمین دانیشتنی ئەنجومەنی وەزیران بۆ ئابووری، كە لە بینای ئەنجومەن بە ئامادەبوونی جێگری سەرۆك وەزیران و وەزیری پلاندانان، وەزیرانی دارایی، بازرگانی، پیشەسازی، كار و كاروباری كۆمەڵایەتی و ئەمینداری گشتی ئەنجومەنی وەزیران و پارێزگاری بانكی ناوەندی عێراق و ڕاوێژكارانی سەرۆك وەزیران بۆ كاروباری ئابووری و یاسایی ئەنجومەنی وەزیران تاوتوێی ئەو بڕگانەیان كرد كە لە بەرنامەی كاری خۆیدا بوون و بڕیاری پێویستی سەبارەت بەو بابەتە داوە.
ئاماژەی بەوەشكرد  : ئەنجومەن ڕاسپاردەی بۆ ئەنجومەنی وەزیران كردووە ڕەزامەندی لەسەر سڕینەوەی 19,770,842 تۆن چای هەڵپەسێردراوی هەڵگیراو لە كۆگاكانی كۆمپانیای گشتی بازرگانی خۆراك بدات و لە ڕێگەی پێشنیاری گشتییەوە بیفرۆشن بەو مەرجەی دووبارە هەناردە بكرێتەوە لە دەرەوەی عێراق بەو پێیەی لە چوارچێوەی تایبەتمەندییە ستانداردەكانی عێراقدا نەبووە و بۆ ڕێگریكردن لە دابەشكردنی بەسەر هاوڵاتیاندا و جەختی لەوە كردەوە : كۆمپانیای گشتی بۆ بازرگانیكردن بە خۆراك ڕێوشوێنی یاسایی بەرامبەر كۆمپانیاكانی پرۆسێسكردن و كارمەندانی كەمتەرخەم گرتەبەر و بڕیاری یاسایی لە دژی دەركرد.
هەروەها ووتیشی : ئەنجومەن پێداچوونەوەی بەو ڕاپۆرتەدا كرد كە وەزیری بازرگانی پێشكەشی كردووە سەبارەت بە سێیەمین كۆبوونەوەی گروپی كاری پەیوەندیدار بە پەیوەستبوونی عێراق بە ڕێكخراوی بازرگانی جیهانی كە لە جنێڤ بەڕێوەچوو، ئەنجومەن پشتگیری لە كارەكانی وەزارەتی بازرگانی كرد لە چڕكردنەوەی دانوستانە دوولایەنەكان لەم بارەیەوە، هەروەها ئەنجومەن گوێی لە پێشكەشكردنێك گرت كە لەلایەن تیمی تەكنیكییەوە لە وەزارەتی پلاندانان پێشكەشكرا سەبارەت بە چۆنیەتی بەكارهێنانی پلاتفۆرمی ئەلیكترۆنی بۆ ڕاگەیاندنی تەندەر و كڕینی حكومەت بۆ كەمكردنەوەی هەوڵ و كات و دڵنیابوون لە شەفافیەت لە ڕێكارەكاندا بۆ ئەوەی بەردەست بن بۆ هەموو سودمەندان.
ئاماژەی بەوەشكرد : بەمەبەستی پاڵپشتی و هاندانی وەرزشی پارائۆلۆمپیك، ئەنجومەن ڕەزامەندی دەربڕی لەسەر هەمواركردنەوەی نرخی فرۆشتنی نەوتی سووتەمەنی دابینكراو بۆ ئۆتۆمبێل و مۆلیدەی لیژنەی پارائۆلۆمپیكی عێراق بۆ ئەوەی ببێتە 400 دینار/لیتر لەبری 750 دینار/لیتر، ئەنجومەنەكە هەروەها ڕەزامەندی دەربڕی لەسەر زیادكردنی تێچووی یەدەگ بۆ هەردوو پڕۆژەكە (بینای ئەنجومەنی زانایانی عێراق) لە مزگەوتی ئەلشەواف) هەروەها پڕۆژەی (دامەزراندنی قوتابخانەیەكی سێ نهۆمی لە پارێزگای دیوانیە)، هەروەها ئەنجومەن بڕیارەكەی پێشووی خۆی پشتڕاستكردەوە بۆ  بەرهەمی چیمەنتۆی بیرە ناوخۆییەكان لە وەزارەتی نەوت بكڕن.