سەرۆک وەزیران ڕێنماییدا بە وەزیری پەروەردە کە دەبێت توێژەرێکی کۆمەڵایەتی لە قوتابخانە نمونەییەکانی فەرح دابین بکرێت

بەغدا-INA
ئەمڕۆ دووشەممە"نووسینگەی ڕاگەیاندنی سەرۆک وەزیران لە ڕاگەیەندراوێکدا، کە بۆ  ئاژانسی هەواڵی عێراقی (INA) ناردوویەتی ،تیایدا هاتووە :"محەمەد شیاع سودانی"سەرۆك وەزیران، ڕاستەوخۆ لە ڕێگەی شاشەی تەلەفزیۆنەوە،3 قوتابخانەی لە بەغدا و میسان کردەوە، لە چوارچێوەی   25 قوتابخانەکەی پڕۆژەی نمونەی بۆ منداڵانی بێ باوک لە سەرانسەری عێراق.
وەک ڕاگەیەندراوەکە ئاماژەی پێداوە : سودانی پیرۆزبایی کردنەوەی قوتابخانە  نمونەیەکەی کرد  کە بۆ منداڵانی بێ باوک دیاری کراوە،کە ڕەنگدانەوەی بەرژەوەندی حکومەتە بۆ کەرتی پەروەردە و  بەرز نرخاندنی ئەو هەوڵانەی بۆ تەواوکردنی ئەم کارە دراون.
هەر بەگوێرەی ڕاگەیەندراوەکە سوودانی ڕایگەیاند : کە حکومەت دەخوازێت ئەو بەشانەی کۆمەڵگا بخاتە بەرنامەکانیەوە  کە ڕووبەڕووی بارودۆخی سەختی ژیان بوونەتەوە، هەروەها بەرپرسیارێتی یاسایی و ئەخلاقی و نیشتمانیانە کەب پێویست دەکات گرنگی بە منداڵان و بنەماڵەی شەهیدان بدەین.
"سودانی " جەختیشی کردەوە : کە کارکردن بەردەوامە بۆ تەواوکردنی هەزار قوتابخانەکە، لە چوارچێوەی پڕۆژەی دروستکردنی قوتابخانەی عێراقی-چینییەکان.
ووتیشی : 20-25 قوتابخانە وەک قۆناغی یەکەم تەرخانکراوە،وەك قوتابخانەی نمونەیی، بۆ بێ باوکان بە هەموو ئامرازەکانی چاودێریکردنیان و دەبینکردنی پێداویستی بۆیان لە  پارێزگاکانی عێراق، هەروەك خوێندن لە 4 قوتابخانە لە بەغدا و میسان دەستیپێکردووە، و باقی قوتابخانەکان پێویستیان بە ڕێکاری سادە هەیە بۆ دەستپێکردنی خوێندن لێیان.
هەر بەگوێرەی ناورۆکی ڕاگەیەندراوەکە : سوودانی ڕوونیشی کردەوە : کە سەرجەم قوتابیانی قوتابخانەکان دەخرێنە ناو هاوکارییەوە،و ڕێنمایی ئیداری هەیە  بۆ بەستنەوەیان بۆ بەشی پاراستنی کۆمەڵایەتی و  دڵنیابوون لەوەی کە ئەو هاوکارییە نەختینەیە بۆ خوێندکارەکان خەرج دەکرێت، هەروەها دڵنیابوون لە بوونی توێژەری کۆمەڵایەتی و دەروونی، بەهۆی ئەو بارودۆخە سەخت و دژوارەی  کە ئەم خوێندکارانە پێشتر تووشی بونە، لەو ڕوانگەیەشەوە هەماهەنگی لەگەڵ یونیسێف هەیە لەبواری پرۆگرامەکانی پاڵپشتی دەروونی بۆ قوتابیان و خوێندکاران، هەروەك قوتابخانە بەهەماهەنگی حکومەت کە چاودێری منداڵانی بێ باوک دەکەن.