دارایی: خەرجكردنی زیاتر لە 400 ملیار دینار بۆ تەرخانكردنی پارێزگاكان

بەغدا -  INA
ئەمڕۆ یەكشەممە وەزارەتی دارایی ڕایگەیاند، بڕی 400 ملیار دینار لە تەرخانكردنی پارێزگاكان خەرج دەكات، هاوكات ئاماژە بەوە دەكات كە هەڵاوسانی نرخی نەوت كێشەی بۆ گەیشتن بە داهات دروستكردووە.
وەزارەتەكە لە بەیاننامەیەكدا كە بە ئاژانسی هەواڵی عێراقی (INA) گەیشتووە: وەزیری دارایی تەیف سامی، پاڵپشتی لیژنەی دارایی پەرلەمانی بەرزنرخاند، وەك سەرۆك و ئەندامان، بۆ كارەكانی وەزارەت، هاوكات ئەویش وردەكارییەكی وردی پێشكەش كرد، پێشكەشكردنی هەنگاوەكانی وەزارەت بۆ چارەسەركردنی كورتهێنانی بودجە و كێشەی نەبوونی بودجە.
وەزیر تەیف سامی  بەپێی بەیاننامەكە  وتی : كە هەڵاوسانی نرخی نەوت كێشەی بۆ دروست كردین لە بەدیهێنانی داهاتەكاندا، داوای لە لیژنەی دارایی كرد هاوكاری وەزارەت بكات سەبارەت بە كێشەی داهاتی غەیرە نەوت لەگەڵ حكومەتی هەرێم، وەك خۆی لەدوای دەرچوونی بڕیارەكەی دادگاوە داهاتی نەوتی خۆی ڕادەستی گەنجینەی دەوڵەت نەكردووە.
ئاماژەی بەوەشكرد : موچەی فەرمانبەرانی هەرێم بە 13 ترلیۆن دینار مەزەندە دەكرێت، بەو پێیەی هەموو ئەو پارەیەی حكومەتی هەرێمی كوردستان داویەتی 320 ملیار دینارە لە داهاتە نانەوتییەكانی.
ئاماژەی بەوەشكرد : دەستەبەركردنی تەرخانكردنی دارایی بۆ كارتی بەشەخۆراك و سەبەتەی خۆراك بەس بۆ شەش مانگی داهاتوو، هەروەها باشتربوونی نرخی نەوت بە شێوەیەكی سروشتی لە بواری داراییدا ڕەنگدانەوەی هەبوو، بەو پێیەی ئەمڕۆ زیاتر لە 400 ملیار دینار لە تەرخانكردنی پارێزگاكان خەرج دەكەین.