بەغدا-INA
ئەمڕۆ شەممە،بەڕێوبەرایەتی کشتوکاڵی سەلاحەددین،چەند ڕێوشوێنێکی بۆ ڕێگریکردن لە مێرووی سووری خورما ڕاگەیاند.
"ئەحمەد ڕدیف" بەڕێوەبەری کشتوکاڵی سەلاحەددین بە ئاژانسی هەواڵی عێراقی (INA) ی ڕاگەیاند : مێروی سووری خورما یەکێکە لە مەترسیدارترین مێروەکان کە هێرش دەکاتە سەر دارخورما، و عێراق یەکەم تووشبوون لە پارێزگای بەسرە لە سەفوان لە 18/10/2015تۆمار کرد، بەڵام لە پارێزگای سەلاحەددین یەکەم حاڵەتی تووشبوون لە قەزای بەلەد لە 24/6/2024 تۆمارکرا، دواتر دارخورمای تووشبوو چارەسەرکراو نەخۆشیەکەی کۆنتڕۆڵ کرا ودەرمانی چارەسەری بەسەر جوتیاران دابەشکرا.
ڕوونیشیکردەوە : کە بەڕێوەبەرایەتی کشتوکاڵی سەلاحەدین بەردەوامە لە هاوکاریکردنی بەشی پاراستنی کشتوکاڵ بۆ بەدواداچوون بۆ ئەم ئافاتە مەترسیدارە و چارەسەرکردنی لەئەگەری ئەوەی لە هەر ناوچەیەکدا هەبێت.