كۆتایی ئەم مانگە تیمی نیشتمانی لەگەڵ باڵیۆزی وڵاتانی كۆمەكبەخش كۆدەبێتەوە
- 23-05-2018, 00:00
بەغداد – ا ه ع ئەمانەی گشتی ئەنجومەنی وەزیران، ئەمرۆ چوار شەممە، رایگەیاند كۆتایی ئەم مانگە تیمی نیشتمانی كۆبونەوەیەكی بەرفراوان لەگەڵ باڵیۆزی وڵاتانی كۆمەكبەخش و رێكخراوەكانی كۆمەڵی مەدەنی و نێودەوڵەتی كۆدەبێتەوە بۆ دەرخستنی سروشتی بەڵێن و رێگەكانی تەرخانكردنی پارە و ئەو بوارانەش كە تیایدا بەكاریدەهێنن. ئەمانەی گشتی لە بەیاننامەیەكدا كە وێنەیەكی بۆ ئاژانسی هەواڵی عێراقییە (ا ه ع) نێردراوە رایگەیاند:" تیمی نیشتمانی ئەنجامی چاودێریریكردنی بۆ كۆنگرەی كوەیت خستەروو لەگەڵ دوا زانیاریەكان سەبارەت بە پێدانی قەرز و كۆمەك كە وڵاتان لەمیانی ئەو كۆنگرەیەدا بۆ بواری ئاوەدانكردنەوە بەڵێنیان بە عێراق دابوو". لای خۆیەوە مەهدی عەلاق لە میانی سەرۆكایەتیكردنی كۆبوونەوەی تیمی نیشتمانی كە راوێژكاری سەرۆك وەزیران بۆ كاروباری ئابوری و دارایی ئامادەی بوو رایگەیاند:" كۆی ئەو بەڵێنانەی كە عێراق لە رێی وەزارەتی دەرەوە بەدەستی گەیشتوون بریتی بووە لە (18) بەڵێن، ئەوەش لەكاتێكدایە لە كۆنگرەی كوەت (47) بەڵێن بە عێراق درابوو.
