وەزارەتی ناوخۆ: لەپێكدادانێكدا لە دیوانیە بازرگانێكی مادەهۆشبەرەكان كوژرا و 4 كارمەندیش برینداربوون
ئەمنی
- 10-10-2024, 20:29
بەغداد - INA
ئەمڕۆ پێنجشەممە، وەزارەتی ناوخۆ رایگەیاند: لە ئەنجامی شەڕ و پێكدادانێكدا لە دیوانیە بازرگانێكی مادەی هۆشبەر كوژراوە و 4 كارمەندیش برینداربوون.
وتەبێژی وەزارەت عەمید میقداد میری، لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: هێزێكی هاوبەش لە بەڕێوەبەرایەتی بەرەنگاربوونەوەی ماددەهۆشبەرەكان و دەزگای دژەتیرۆر و فەوجی تاكتیكی لە دیوانیە گەمارۆی بازرگانێكی مەترسیداری مادەی هۆشبەریان دا كە داواكراوە بەپێی حوكمەكانی ماددەی 28ی مادە هۆشبەرەكان.
ئاشكراشیكرد: داواكراوەكە هەوڵیداوە خێزانەكەی بۆ ماوەی 15 كاتژمێر دەستبەسەربكات، هەروەها لەگەڵ ئەو هێزانەی كە ئەركەكەیان جێبەجێ كردووە رووبەڕووبووەتەوە و نارنجۆكێكی دەستی هەڵداوە كە بووە هۆی برینداربوونی 4 ئەندامی دەزگای دژە تیرۆر.
تەئكیدیشیكردەوە: لە كاتی پێكدادانەكەدا، لە شوێنی ڕووداوەكەدا كوژراوە.
هەواڵی پەیوەندیدار
ژمارەیەكی مەترسیدار لە بەكارهێنەرانی ماددە هۆشبەرەكان لە دیالە
- بەدواداچوون و ڕاپۆرت
- 02:25
