بانكی بازرگانی عێراق ڕێوشوێنی پاڵپشتیكردن بۆ سەقامگیری نرخی ئاڵوگۆڕی دراو رادەگەیەنێت
ئابوری
- 9-10-2024, 21:05
بەغداد - INA
ئەمڕۆ چوارشەممە، بانكی بازرگانی عێراق (TBI)، زنجیرەیەك ڕێوشوێنی بۆ پاڵپشتیكردنی سەقامگیری نرخی ئاڵوگۆڕ و ڕێگریكردن لە ئیستغلالكردنی لەلایەن جامبازەكانەوە ڕاگەیاند.
بەڕێوەبەری لقی تەحریر لە بانكی عێراقی یعرب هاشمی، بە ئاژانسی هەواڵی عێراقی راگەیاند: بەرێوەبەرایەتی بانكەكە كۆمەڵێك ڕێوشوێنی گرتەبەر كە دەبێتە هۆی سەقامگیركردنی نرخی ئاڵوگۆڕ و ڕێگریكردن لە دەستكاریكردنی بازاڕ، لەوانە زیادكردنی كاتی دەوام لەلقەكانی بانكەكە، كە كاریگەری لەسەر خێرایی تەواوبوونی مامەڵە بازرگانییەكان و گواستنەوەی دارایی بە ئاسانی و نەهێشتنی ئەو لۆدەی كە لەم كارەدا ڕوودەدات.
ئاماژەی بەوەشكرد: كۆمەڵێك ڕێوشوێن هەیە كە یەك لە دوای یەك گیراوەتەبەر كە كاریگەرییەكی ڕوونی دەبێت لە كۆنترۆڵكردنی نرخی ئاڵوگۆڕكردن و ڕێگریكردن لە جامبازەكان و سنوورداركردنی بەخشینی دۆلار تەنها بۆ سودمەندان.
سەرۆكی ئەنجومەنی وەزیران محەمەد شیاع سودانی، ڕێنمایی كرد: كە رێكارەكانی پشكنین لە ئۆپەراسیۆنەكانی گواستنەوەی داراییدا چڕتر بكەنەوە لە بەدواداچوون بۆ ئەو جامبازانەی كە ئەو قەیرانانە دەقۆزنەوە كە ناوچەكە پێیدا تێدەپەڕێت بۆ بەدەستهێنانی قازانجی كەسی لەسەر حیسابی وڵات.
