سەرۆک وەزیران لیژنەی چاکسازی باج ئاڕاستە دەکات بۆ نووسینی ڕەشنووسی یاسایەک بۆ باجی فرۆشتن
ئابوری
- 8-10-2024, 20:17
به‌غدا-INAـ حەسەن ئەلفواز
ئەمڕۆ سێشەممە، محەمەد شیاع سودانی، سەرۆکی ئه‌نجوومه‌نی وەزیران، لیژنەی چاکسازی لە باج، ئاڕاستە کرد، بۆ نوسینی ڕەشنووسی یاسایەک بۆ باجی فرۆشتن، هاوکات لیژنەی چاکسازی باج دووپاتیکردەوە کە گۆڕانکاری زۆر ڕوویداوە کە کاریگەری لەسەر بەڕێوەبەرە گشتییەکان هەبووە.
سەرۆکی لیژنەکە، ڕاوێژکاری سەرۆک وەزیران، عەبدولحسێن ئەلعەنبەکی، بە ئاژانسی هەواڵی عێراقی (INA)ی ڕاگەیاند: محەمەد شیاع سودانی، سەرۆکی ئه‌نجوومه‌نی وەزیران داوایكردووه ڕەشنووسی یاسایەک بۆ باجی فرۆشتن بنووسرێت، بەو پێیەی ئێمە هاوکار دەبین لەگەڵ ڕێکخراوە نێودەوڵەتییەکان و پسپۆڕانی نێودەوڵەتی بۆ ئەوەی بە زوویی ڕەشنووسەکە بنووسن، وتی" لیژنەی چاکسازی باج لێکۆڵینەوە لە بابەتەکانی بنیاتنانی دامەزراوەیی کردووه بە گۆڕینی زۆرێک لە بەڕێوەبەرانی بەشە بەربەستەکان.
ئاماژەی بەوەشکرد كه‌هەوڵدەدەین شەفافیەت دروستبکەین، بانگەوازیشمان هەیە بۆ کۆمپانیا گەورەکانی بواری ئه‌لیكترۆنی کە بچنە سەر سیستەمێکی باجی گشتگیر و ئه‌لیكترۆنی، و"ئێمە سێگمێنتی نوێمان لە باجەکاندا جێگیرکردووە و بەرەو ئەوە دەڕۆین كه‌باشترکردنی ژینگەی ئەدای باج لە ڕووی بەشەکانەوە دابین بكه‌ین. 
جەختیشی لەوە کردەوە کە کارکردن لەسەر یاسادانانێکی زۆر بەردەوامە، ئێمەش بەردەوامین لە کارکردن لەسەری، ڕوونیشیکردەوە کە پرۆسەکە ئاسان نییە، بەڵکو بەربەستێکی بەرچاو لەخۆدەگرێت لەلایەن ئەو کەسانەی کە ڕێگرن لە چاکسازی بەگشتی.
دوێنێ دووشەممە، سەرۆکی ئه‌نجوومه‌نی وەزیران، محەمەد شیاع سودانی ئاڕاستەی پێکهێنانی تیمێکی کاری کرد بۆ ئامادەکردنی پاکێج بۆ مامەڵەکردن لەگەڵ بارودۆخی ئابووری و دارایی لە ئێستادا، هەروەها دووبارە کارکردن لەسەر ئامرازەکانی وەبەرهێنان لە بانکی ناوەندی عێراق و بەستنەوە بە قەبارەی وەبەرهێنانی هەر بانکێک، و بۆ چڕکردنەوەی ڕێکارەکانی پشکنین لە کارەکانی گواستنەوەی داراییدا، و چاوپۆشی نه‌كردن له‌هه‌ر كه‌موكوریه‌ك.
