فەرماندەی ئۆپەراسیۆنە هاوبەشەکان: بە فڕۆکەی F16 بۆردومانکردنی تونێلێکی ئەندامانی داعشی لە ڕۆژئاوای نەینەوا ڕاگەیاند
ئەمنی
- 5-10-2024, 19:30
بەغدا-INA
ئەمڕۆ شەممە،فەرماندەیی ئۆپەراسیۆنە هاوبەشەکان بە فڕۆکەی F16 بۆردومانکردنی تونێلێکی ئەندامانی چەتەکانی داعشی، لە ڕۆژئاوای پارێزگای نەینەوا ڕاگەیاند.
فەرماندەیی ئۆپراسیۆنە هاوبەشەکان لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی ،تیایدا هاتووە :لە درێژەی هەڵمەت و بەدواداچوون بۆ ڕاودوونانی چەتە تیرۆریستییەکانی داعش، هێزێک لە لیوای 43 لە فیرقەی 20 لەناو کەرتی فەرماندەیی ئۆپەراسیۆنەکانی ڕۆژئاوای نەینەوا و لیوای 44ی هێزەکانی حەشدی شەعبی، بە هەماهەنگی و بەدواداچوونی تەکنیکی لەلایەن شانەی ئامانجدار لە فەرماندەیی ئۆپەراسیۆنە هاوبەشەکاندا، دوو هێرشی ئاسمانی ئەنجامدرا لەلایەن فڕۆکەی F16 و تونێلەکەیان گەمارۆدا، کە تیرۆریستەکانی داعشی لە ڕۆژئاوای نەینەوا تێدابوو.
