دەستەی باڵایی حەجی عێراق داوایەکی بەپەلە ئاڕاستەی بەشێک لەو کەسانە دەکات کە ناویان لە تیرۆپشکی وەرزی حەجی داهاتوو دەرچووە
ناوخۆ
- 4-10-2024, 16:30
بەغدا-INA
ئەمڕۆ هەینی،دەستەی باڵای حەج و عومرە رایگەیاند: کە پێویستە کەسە بەتەمەنەکان کە ناویان لە تیروپشکی حەج دەرچووە بەزووترین کات سەردانی نوسیگەکانیان بکەن.
دەستەکە لە ڕاگەیەندراوێکدا کە بۆ ئاژانسی هەواڵی عێراقی (INA) ناردوو یەتی،تیایدا هاتووە :دەستەی باڵای حەج و عومرە داوا لەو هاووڵاتیانە دەکات کە لە چوون بۆ خاکی پیرۆزدا ناویان هەیە بۆ ئەنجامدانی فەریزەی حەج بۆ ساڵی 2026 زایینی ئەوانەی کە تەمەنیان گەورەیە و براوەی 60%ی تیروپشکی حەج بوون، پێویستە بەزووی سەردانی نووسینگەکانیان بکەن لە بەغدا و پارێزگاکان.
وەک ڕاگەیەندراوەکە ئاماژەی پێداوە:-پێویستە کەسەکە بەشێوەیەکی ڕاستەوخۆ ئامادەبێت بۆ تەواوکردنی ڕێکارە پێویستەکان،بەڵگەنامە فەرمیەکانی پێ بێت وەک (کارتی نیشتمانی، کارتی نیشتەجێبوون، و پاسپۆرتی کارا) کە لە ڕۆژی شەممە 5/10/2024 دەتوانن سەردانی نوسینگەکان بکەن تاوەکو 16/10/2024.
