ڕووسیا بە توندی ئیدانەی هێرشەکانی ڕژێمی زایۆنی بۆ سەر لوبنان دەکات

جیهانی

28-09-2024, 12:00

+A -A

بەدواداچون- INA
بەپێی هەواڵێکی ئاژانسی هەواڵی سپۆتنیك "سێرگی لاڤرۆڤ"وەزیری دەرەوەی ڕووسیا لە کۆبوونەوەی ئەنجومەنی ئاسایشی نەتەوە یەکگرتووەکان ڕایگەیاند:- کە مۆسکۆ بە توندی ئیدانەی هێرشەکان و پێشەلی سەرخاکی لوبنان دەکات لەلایەن ئیسرائیلەوە .
هەروەك هۆشداریشی دا لە مەترسی نزیک بونەوەی جەنگ لە ڕۆژهەڵاتی ناوەڕاست کە ئەمڕۆ جارێکی دیکە ناوچەکە نزیک دەبێتەوە لە لێواری شەڕێکی گەورە.
"لاڤرۆڤ " جەختی لە پێویستی "دەستبەجێ وەستاندنی توندوتیژییەکان کرد پێش ئەوەی دۆخەکە بە تەواوی لە ژێر کۆنتڕۆڵ دەربچێت.
ووتیشی : هەندێک کەس بەڕاستی هەوڵی ورژاندنی شەڕێکی گەورە دەدەن.
وەزیری دەرەوەی ڕووسیا بۆ نوێنەری ئەمریکا وتی: هەڵبژاردنی ئێستا لەبەردەم واشنتۆندایە، یان بەردەوام بێت لە ئاستەنگ خستنە بەردەم کارەکان یان داوای کۆتاییهێنان بە شەڕەکە بکات،کە بەبێ پشتیوانی ئێوە بۆ داگیرکاری،دەتوانرێت بە خێرایی و کاریگەر کۆتایی بەو ململانێیە بهێنرێت.