ئاژانسی هەواڵی لوبنان: سەید حەسەن نەسروڵا باشە

بەدواداچوون - INA
ئەمڕۆ هەینی، ئاژانسی هەواڵی لوبنان تەئكیدیكردەوە: كە سەید حەسەن نەسروڵا ئەمینداری گشتیی حزبوڵا لە شوێنێكی ئەمندایە و لە كاتی بۆردومانی زایۆنییەكان بۆ سەر گەڕەكی باشووری بەیرووت هیچ زیانێكی پێنەگەیشتووە.
ئاژانسەكە لە زاری سەرچاوەیەكی نزیك لە حزبوڵای لوبنانەوە ڕایگەیاندووە: ئەمینداری گشتیی حزبوڵا سەید حەسەن نەسروڵا باشە، پاش ئەوەی میدیاكانی زایۆنی دوژمن ڕایانگەیاند كە ناوبراو ئامانجی لێدانەكانی سەر گەڕەكی باشووری بەیروت بووە.
ئەمڕۆ هەینی، لە ئەنجامی بۆردوومانی زایۆنیەكان بۆ سەر گەڕەكی باشووری لوبنان، لانیكەم 14 هاوڵاتی سڤیل شەهید بوون و ژمارەیەكی دیكەش بریندار بوون.
پەیامنێری ئاژانسی هەواڵی عێراقی رایگەیاند: دەستدرێژی زایۆنیەكان بۆ سەر گەڕەكی باشووری شارەكە لانیكەم 14 شەهید و ژمارەیەكی زۆر برینداری لێكەوتەوە كە  منداڵ و ژنی تێدایە.
وتیشی: هێرشی زایۆنیەكان زیانی ماددی زۆریان بە گەڕەكی باشووری شارەكە گەیاندووە و تا ئێستاش ئاماری كۆتایی سەبارەت بە ژمارەی شەهیدان و بریندارەكان نییە.
ئاژانسی هەواڵی لوبنان ڕۆژی هەینی ڕایگەیاند: بۆردوومانی زایۆنییەكان وێرانكارییەكی زۆر گەورەی لێكەوتەوە.
ئاژانسەكە ئاماژەی بەوەشكردووە: فڕۆكەكانی دوژمن زنجیرەیەك هێرشی توندوتیژیان بۆ سەر ناوچەی گەڕەكی باشوور ئەنجامداوە و دوكەڵێكی توندیش ئاسمانی ناوچەكەی داپۆشیوە.