ئاسایشی نیشتمانی لە دیالە كەسێكی ڕفێنراو ئازاد دەكات و باندێك دەستگیر دەكات
ئەمنی
- 27-09-2024, 14:12
بەغداد - INA
ئەمڕۆ هەینی، دەزگای ئاسایشی نیشتمانی ئازادكردنی كەسێكی ڕفێندراو و دەستگیركردنی باندێكی ڕفێنەری لە دیالە ڕاگەیاند.
دەزگای ئاسایشی نیشتمانی لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: دوای بەدواداچوون و كۆكردنەوەی زانیاری و چاودێریكردنی ڕفێنەرەكان و دیاریكردنی شوێنەكانیان، هەڵمەتێك ئەنجامدراو دوو لە ڕفێنەرەكان لە بۆسەیەكدا لە ناوچەی خالس دەستگیركران.
ئاماژەی بەوەشكرد: لەكاتی لێكۆڵینەوەی دەستبەجێدا دانیان بە شوێنی قوربانییەكەدا ناوە و لە ئەنجامدا مەفرەزەكانی دەزگاكە دەستیانكرد بە هەڵكوتانە سەر ئەو شوێنەی كە ڕفێندراوەكەی تێدا ڕاگیرابوو و ئازادیان كرد و باقی ئەندامانی باندەكەشیان دەستگیركرد.
