عێڕاق پێشنیازی بەستنی لوتکەیەکی عەرەبی وئیسلامی نائاسایی دەکات

سیاسی

24-09-2024, 10:06

+A -A

بەغداد/ INA
جێگری سەرۆک وەزیران وەزیری دەرەوە فوئاد حوسێن ڕایگەیاند کە عێڕاق پێشنیازی کردووە لوتکەیەکی عەرەبی ئیسلامی دەربارەی لوبنان ببەسترێت.
فوئاد حوسێن لە توویتێکدا لەسەر سەکۆی ئێکس کە ئاژانسی هەواڵی عێڕاقی بەدووداچونی بۆکردووە وتی لە کۆبوونەوەی ئەنجومەنی کۆمکاری وڵاتانی عەرەبی کەلەسەر ئاستی وەزاری ئەنجامدرا پێشنازێکم پێشکەش کردووە بۆ بەستنی لوتکەیەکی عەرەبی و ئیسلامی نائاسایی بەئامانجی یەکخستنی کۆششەکانی ڕاگرتنی هێرشەکانی ئیسرائیل بۆ سەر لوبنان.
هەروەها جەختیکردەوەسەر جوڵانەوەیەکی خێرا بۆ پاراستنی گەلی لوبنانی و بەرگریکردن لە مافە ڕەواکانی بەپێی یاساوڕێسا نێودەوڵەتیەکان، جگەلەوەش پێداگری کرد لەسەر هاوکاری نێوان وڵاتانی عەرەبی و ئیسلامی کە بنەمایەکی سەرەکیە بۆ بەرەنگاربوونەوەی ئاستەنگ و مەترسیەکانی ناوچەکە.