وەزارەتی گواستنەوە و گەیاندن، كردنەوەی هێڵی ئاسمانی نوێی ڕاستەوخۆ لە نێوان بەغدا و شارقە ڕادەگەیەنێت

بەغدا -  INA
ئەمڕۆ یەكشەممە وەزارەتی گواستنەوە و گەیاندن، كردنەوەی هێڵی ئاسمانی نوێی ڕاستەوخۆی نێوان بەغدا و شارقەی ڕاگەیاند.
لە بەیاننامەیەكی وەزارەتی گواستنەوە و گەیاندن كە بۆ ئاژانسی هەواڵی عێراقی (INA) ناردووە و تێیدا هاتووە : بەپێی ڕێنماییەكانی وەزیری گواستنەوە ڕەزاق محێبس سەعداوی، ئیدارەی هێڵی ئاسمانی عێراق وادەی كردنەوەی هێڵی نوێ و ڕاستەوخۆی نێوان بەغدا و شارقە، كە لە 17ی تشرینی یەكەمی داهاتووەوە دەست پێدەكات، بە چوار گەشت لە هەفتەیەكدا بۆ بەرزكردنەوەی پەیوەندییەكانی نێوان عێراق و ئیماراتی یەكگرتووی عەرەبی و دابینكردنی گەشتی ڕاستەوخۆ بۆ گەشتیاران لە نێوان هەردوو وڵاتدا.
كردنەوەی هێڵی نوێی (بەغدا- شارقە) لە چوارچێوەی پلانی كارپێكردنی هێڵی ئاسمانی عێراقی دێت، كە ئامانجی پەرەپێدانی كەرتی فڕۆكەوانی مەدەنی و فراوانكردنی تۆڕی فڕینی نێودەوڵەتی باڵندەی سەوزە بەگوێرەی ئاراستەكانی حكومەت، بەهۆیەوە بۆ گرنگی ئەمە لە بەهێزكردنی پەیوەندییە بازرگانی و گەشتیارییەكانی نێوان عێراق و وڵاتانی ناوچەكە و جیهان و دابینكردنی بژاردەی گەشتكردنی زیاتر بۆ گەشتیاران.
لە درێژەی بەیاننامەكەدا هاتووە : هەوڵەكانی وەزارەت بەردەوامە لە كاركردن بۆ باشتركردنی خزمەتگوزارییەكانی گواستنەوەی ئاسمانی و پەرەپێدانی ژێرخانی فڕۆكەخانەكانی عێراق بەگوێرەی ستانداردە نێودەوڵەتییەكان، ئاماژە بە بەردەوامی هەوڵەكان بۆ پەرەپێدانی سەرجەم ئاستەكانی ئەدای كاركردن و خزمەتگوزارییەكان كە لەلایەن هێڵی ئاسمانی عێراقییەوە پێشكەش دەكرێن بۆ سەرنشینانی ناو كەشتی ئاسمانییەكەی و بۆ ئەوەی بەردەوام ئەزموونی گەشتكردن باشتر بكات.