بە بەشداری زیاتر لە 12 ملیۆن قوتابی و خوێندکار سبەی یەکشەممە لەسەرتاسەری عێراق پرۆسەی خوێندن دەستپێدەکاتەوە

بەغدا-INA
ئەمڕۆ شەممە، وەزارەتی پەروەردە تەواوکردنی سەرجەم ئامادەکارییەکانی بە بەشداری زیاتر لە 12 ملیۆن قوتابی بۆ ئەم ساڵی خوێندن راگەیاند.
لەوبارەیەوە "کەریم سەید " وتەبێژی وەزارەتی پەروەردە،بە ئاژانسی هەواڵی عێراقی (INA)ی ڕاگەیاند: ئامادەکارییەکانی وەزارەتی پەروەردە بۆ ئەمساڵ لە ساڵانی ڕابردوو باشترە،و ئامادەکارییەکان چەندین ئاستی لە لەخۆگرتوە،لەوانە چاپکردن و ئامادەکردنی کتێب لە سەرەتاوە ، دوای ئەوەی ساڵانی پێشوو شایەتی خاو بەڕێوەچونی ئەو پرۆسە و چەندین گرفت بوین.
ڕاشیگەیاند : چاپخانەکان کتێبی خوێندنیان گەیاندووەتە بەڕێوەبەرایەتییە گشتییەکان و لەوێشەوە بۆ قوتابخانەکان،کۆگای قوتابخانەکانیش کتێبی چاپکراویان ئامادەیە بۆ دابەشکردن.
لەسەر پرسی ئامادەیی باڵاخانەی قوتابخانەکان بۆ خوێندن، 
"کەریم سەید "ووتی:- پێشتر هەوڵ و ئامادەکارییەکی زۆر کراوە بۆ زۆرێک لە قوتابخانەکان،کە پێش دەستپێکردنی ساڵی خوێندن ڕادەستبکرێن، لەو ڕوانگەیەشەوە ئاشکرایکرد :-چەندین قوتابخانەی نوێ لە چوارچێوەی پڕۆژەی 1000 قوتابخانە، بۆ ئەمساڵ دەچێتە بواری خزمەتەوە.
ووتیشی :- سبەی یەکشەممە زیاتر لە 12 ملیۆن قوتابی و خوێندکار پەیوەندی بە قوتابخانەکانیانەوە دەکەن و ژمارەی قوتابیانی پۆڵی یەکەمی قۆناغی سەرەتایی گەیشتووەتە زیاتر لە 1,200,000 قوتابی.