بەرگری رونكردنەوەیەك سەبارەت بە پرسی تۆپهاوێژی هاوتزەری تەرخانكراو بۆ هێزی پێشمەرگە بڵاودەكاتەوە

بەغداد - INA
ئەمڕۆ پێنجشەممە، وەزارەتی بەرگری عێراق رونكردنەوەیەكی سەبارەت بە پرسی تۆپهاوێژی هاوتزەری تەرخانكراو بۆ هێزی پێشمەرگە بڵاوكردەوە.
وەزارەتەكە لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: لە بەرامبەر ئەوەی لە میدیا و تۆڕە كۆمەڵایەتییەكان سەبارەت بە پرسی تۆپهاوێژی هاوتزەری جۆری 105 ملم كە بۆ هێزی پێشمەرگە تەرخانكراوە بڵاودەبێتەوە، دەمانەوێت لەم بارەوە ئەمانەی خوارەوە ڕوونبكەینەوە:
1.گرێبەستی كڕینی تۆپهاوێژەكان لەسەردەمی وەزیری بەرگری بەڕێز عیرفان حەیالی كراوە و لەسەردەمی وەزیری بەرگری بەڕێز جومعە عیناد هەموار كراوەتەوە.
2. ⁠بڕە پارەی تۆپهاوێژەكان پێش پێكهێنانی حكومەتی ئێستا دراوە.
3. تۆپهاوێژەكان لە 20ی تشرینی دووەمی 2023 گەیشتنە بەندەری ئوم قەسر.
4. ⁠ تۆپهاوێژەكان رادەستی وەزارەتی پێشمەرگە نەكراوە، هەرچەندە ساڵێك بەسەر گەیشتنیان بۆ بەندەری ئوم قەسر تێپەڕیوە.
5. تۆپهاوێژەكان بە پشتبەستن بە یاداشتێكی سەرۆكی ئەركانی سوپا بۆ فەرماندەی گشتی هێزەچەكدارەكان و دوای گرتنەبەری هەموو ڕێوشوێنێكی پێویست رادەستكراوە.
بە گوێرەی بەیاننامەكە، وەزارەتەكە جەختیكردەوە: كە هێزی پێشمەرگە هێزێكی نیشتیمانییە كە دڵسۆزییان بۆ عێراق گومانی تێدا نییە، هەروەها پرسی تۆپهاوێژەكان پێشتر باسكران زیاتر لە حەوت ساڵ لەمەوبەر ڕوویداوە، و تا دوای ئەوە تۆپهاوێژەكان ڕادەست نەكراون ڕێوشوێنی تایبەت لەسەر ئەم بابەتە گیراوەتەبەر.
بەپێی بەیاننامەكە، وەزارەتی بەرگری داوای لە دەزگاكانی ڕاگەیاندن كردووە نەكێشرێنە ناو درۆ و هەڵبەستراوەكانەوە كە لەلایەن كەسانی ناپسپۆڕەوە سەبارەت بە بابەتەكانی پەیوەست بە وەزارەت دەرچووە.