کۆمپانیای بیرلێدانی عێڕاقی دوو بیرەنەوتی لەبەسڕە چاککردەوە
ئابوری
- 17-09-2024, 11:33
بەغداد/ INA
کۆمپانیای بیرلێدانی سەربەوەزارەتی نەوت ئەمڕۆ ڕۆژی سێشەممە ڕایگەیاند کە دوو بیرە نەوتی لەبەسڕە چاک کردووەتەوە.
بەیاننامەی وەزارەت کە ئاژانسی هەواڵی عێڕاقی وەریگرتووە تیایدا هاتووە کە وەزارەتی نەوت مکووڕە لەسەر بەردەوامیدان لەبەرهەمهێنان لە چاڵە نەوتیەکان ، لەمڕووەوە کۆمپانیای بیرلێدانی عێڕاقی توانی دوو بیرەنەوت لەهەردوو کێڵگەی زوبێرو ڕۆژاوای قوڕنە /1 چاک کردووەتەوە.
بریکاری بەڕێوەبەری گشتی کۆمپانیاکە کازم حبش خلیف وتی پڕۆسەی چاککردنەوەی بیرەکە لە کێڵگەی زوبێر بەپێی گرێبەستی کۆمپانیای ENI ئیتاڵی و کۆمپانیای گریت جێبەجێکراوە، پڕۆسەی چاککردنەوەی بیرەکەی ڕۆژاوای قوڕنە بەهاوکاری لەگەڵ کۆمپانیای PETROCHINA ئەنجامدراوە.
