فەرماندەی ئۆپەراسیۆنەکانی بەغدا دانانی چەند شاشەیەکی گەورەی بۆ پەخشکردنی یاری نێوان شوڕتە و نەسر لەچەند ناوچەیەکی بەغدا ڕادەگەیەنێت

بەغدا-INA
ئەمڕۆ یەکشەممە،فەرماندەیی ئۆپەراسیۆنەکانی بەغدا،دانانی چەند شاشەیەکی گەورەی لە چەند ناوچەیەکی بەغدای پایتەخت ڕاگەیاند، بۆ پەخشکردنی یاری نێوان یانەکانی شوڕتە و نەسری سعودی، کە بڕیاڕە سبەی دووشەممە، لە چوارچێوەی یارییەکانی خولی یانە پاڵەوانەکانی ئاسیا بەڕێوەبچێت.
فەرماندەیی ئۆپەراسیۆنەکانی بەغدا،لە بەیاننامەیەکدا کە بۆ  ئاژانسی هەواڵی عێراقی (INA) ناردوویەتی،تێیدا هاتووە:-بە لەبەرچاوگرتنی قەرەباڵغی و جەنجاڵی و بەشداری هاندەرانی وەرزشی کە زۆربەیان ڕوو لە یاریگای نێودەوڵەتی شارەکە دەکەن بۆ بینینی یاری نێوان یانەی شوڕتە  و نەسری سعودیە لە چوارچێوەی پاڵەوانێتی یانەکانی پاڵەوانیەتی ئاسیا،و بۆ کەمکردنەوەی قەرەباڵغی و پاڵە پەستۆ بۆسەر یاریگاکە،بە هەماهەنگی و هاوکاری لەگەڵ لیژنەی ئەمنی یەکێتی تۆپی پێی پارێزگای بەغدا ، و کۆمپانیای ڕایە،چەند شاشەیەکی  گەورەی پیشاندانی یارییەکە لە چەند ناوچەیەکی بەغدا دادەنرێت لەگەڵ کردنەوەی گۆڕەپانی گەورەکان بەڕووی هاندەران و ئارزوومەندانی بینینی یارییەکە.


بەیاننامەکە ئەو گۆڕەپان و شوێنانەی ئاشکرا کرد کە شاشەی گەورەی لێ دەدانرێت بەم شێوەیەی خوارەوە :- 


*گۆڕەپانی موزەفەر


*گۆڕەپانی حەمزە


*یاریگای پیشەسازی


*یەکتربڕینی بانکی شارەوانیەکان.


*گۆڕستانی شاهانەی "ئەعزەمیە"


*سبع ئەلبور 


*قەزای مەحمودییە ​​،ناوەندی قەزاکە.


*یەکتربڕینی شوعلە


*گۆڕەپانی سەدرێن