پارێزگاری کەرکوک بڕیاڕی پێدانی زەوی بە مامۆستایان و فەرمانبەرانی زانکۆی کەرکوک پەسەند کرد

بەغدا-INA
ئەمڕۆ شەممە"ڕێبوار تەها مستەفا " پارێزگاری کەرکوک تەرخانکردنی زەوی نیشتەجێبوونی بۆ مامۆستایان و فەرمانبەرانی زانکۆی کەرکوک پەسەند کرد. 
"ڕێبوار تەها " لە ڕاگەیەندراوێکدا کە بۆ ئاژانسی هەواڵی عێراقی (INA) ناردوویەتی تیایدا : کۆنووسی تەرخانکردنی پارچە زەویەکی  بۆ پرۆفیسۆر و فەرمانبەرانی زانکۆی کەرکوک پەسەند کرد.
 وەک ڕاگەیەندراوەکە ئاماژەی پێداوە :- پارێزگاری کەرکوک لەمیانی واژۆکردنی کۆنوسەکە ڕایگەیاند :- کە ئیدارەی کەرکوک بەردەوام دەبێت لە تەرخانکردنی زەوی بۆ سەرجەم توێژەکان  بەپێی ڕێنماییە پەسەندکراوەکان ،هەروەها کاردەکەین بۆ ئەوەی لەبەردەم هەموو لایەکدا دادپەروەرانە کاربکەین و دڵنیایش دەدەین لەوەی ئەوانەی شایەنی ئەوەن زەوییان پێبدرێن سودمەند دەبن،کە مافی خۆیانە. 
بەگوێرەی ڕاگەیەندراوەکە :- پارێزگاری کەرکوک ئاماژەی بەوەشدا:- پێدانی زەوی بە  فەرمانگەکانی دیکە واژۆ دەکرێت دوای دڵنیابوون لەوەی فەرمانبەران مەرجەکانی پێدانی زەوی دەیانگرێتەوە، لە چوارچێوەی بڕیاڕ و ڕێنمایی تایبەتەکانی وەزارەتی ئاوەدانکردنەوە و نیشتەجێکردن.
جەختیشیکردەوە :- کە ئیدارەی پارێزگا  هەموو خزمەتگوزارییەک بۆ ئەو ناوچانە تەرخاندەکات لە ماوەی کارکردنی وەک پارێزگار،بە هەماهەنگی لەگەڵ ئەنجومەنی پارێزگای کەرکوک.