عومەر بەرزنجی لەگەڵ باڵیۆزی ئیمارات لە بەغداد پرسی كاندیدەكانیان لە كۆڕبەند و رێكخراوە نێودەوڵەتیەكان تاوتوێدەكات
سیاسی
- 11-09-2024, 19:38
بەغداد - INA
"عومەر بەرزنجی " بریكاری وەزارەتی دەرەوە بۆ كاروباری هەمەلایەن و یاسایی، پێشوازی لە باڵیۆزی ئیماراتی یەكگرتووی عەرەبی لە عێراق كرد.
نوسینگەی ڕاگەیاندنی "عومەر بەرزنجی " بریكاری وەزارەتی دەرەوە بۆ كاروباری هەمەلایەن و یاسایی، لە ڕاگەیەندراوێكدا كە بۆ ئاژانسی هەواڵی عێراقی (INA)ناردووە، دەڵێت: بالێۆز" بەرزنجی " لە نوسینگەی تایبەتی خۆی لەوەزارەت، پێشوازی لە "عەبدوڵا مەتەر مەزروعی " باڵیۆزی ئیماراتی عەرەبی یەكگرتوو لە عێراق كرد.
وەك ڕاگەیەندراوەكە ئاماژەی پێداوە : لە میانی دیدارێكدا باس لەگرنگی بەهێزكردنی ئاستی هاریكاری نێوان عێراق و ئیمارات لە بوارە جیاجیاكان كرا، هەروەك هەردوولا گفتوگۆیان لەسەر پرسی كاندیدەكانیان لەكۆڕبەند و ڕێكخراوە نێودەوڵەتییەكان كردو تەئكیدیان لە پشتیوانی یەكتر كردەوە.
