سەرۆک کۆمار بۆ هاوتا ئێرانییەکەی: پێویستە مەرجەکانی ئەو ڕێککەوتنانەی کە لە نێوان دوو وڵاتدا واژۆ کراون كارابكرێت

بەغدا - INA 

سەرۆک کۆمار، عەبدول لەتیف جەمال رەشید، ئەمڕۆ چوارشەممە، جەختیکردەوە لەسەر پێویستی کاراکردنی بڕگەکانی ڕێککەوتننامەکانی ئیمزاکراوی نێوان دوو وڵات كردووە.

نووسینگەی ڕاگەیاندنی سەرۆک کۆمار لە ڕاگەیەندراوێکدا کە بۆ ئاژانسی هەواڵی ئێراقی (INA) نێردراوە تێیدا هاتووە” ،سەرۆک کۆمار، عەبدول لەتیف جەمال ڕەشید، لە کۆشکی بەغدا پێشوازی لە مەسعود پزیشکیان سەرۆك کۆماری ئیسلامیی ئێران و وەفدی یاوەری كرد”.

لە ڕاگەیاندراوێكدا ئاماژە بەوەش كراوە كە ”لە سەرەتای دیدارەکەدا، کە ئەمڕۆ چوارشەممە لە کۆشکی بەغداد بەڕێوەچو، سەرۆك کۆمار بەخێرهاتنی لە سەرۆكی ئێران کرد و دوبارە پیرۆزبایی لێکرد بەبۆنەی هەڵبژاردنییەوە وەك سەرۆك کۆمار، هاوکات دوبارە سەرەخۆشی لێکرد بۆ کۆچی دوایی سەرۆك ئیبراهیم رەئیسی و حسێن ئەمیر عەبدوللاهیان وەزیری دەرەوە و هاوەڵانیان، کە بە روداوێکی کارەساتبار گیانیان لەدەستدا”.

بە گوێرەی ڕاگەیەندراوەكە ” سەرۆك کۆمار جەختیکردەوە، پەیوەندییەکانی نێوان هەردوو وڵاتی دۆست، پتەو و مێژوویین. رونیشیکردەوە، ئێران دراوسێیەکی گرنگی عێراقە و پێگەیەکی گەورەی ناوچەیی هەیە بۆ پشتیوانیکردنی سەقامگیریی ناوچەکە، عێراقیش بە تەواوی و بەهێزییەوە پاڵپشتی هاریکاریەکی هاوبەش دەکات لەپێناو بەرەنگاربونەوەی تیرۆر و توندڕەوی و چەسپاندنی ئاسایشی سنورەکان و کارکردن بۆ کۆتاییهێنان بە گرژییەکان لە ناوچەکەدا”.

هەروەها سەرۆك کۆمار جەختیکردەوە لە پێویستی کاراکردنی بڕگەکانی رێککەوتننامە و یاداشتەکانی لێکتێگەیشتنی نێوان هەردوو وڵات و پتەوکردنی پەیوەندییە دۆستانەکان لەپێناو خزمەتکردنی بەرژەوەندییە هاوبەشەکانی نێوان هەردوولا.

عەبدول لەتیف جەمال ڕەشید  ئاماژەی بەوەدا، کە ”دیاردەی گۆڕانی کەشوهەوا یەکێکە لە ئاڵنگارییە هەرە دیارەکانی بەردەم هەردوو وڵات و جیهان بە گشتی. لەم بوارەشدا گرنگی کارکردنی هاوبەشی دوپاتکردەوە، بە تایبەت لە پرسی ئاودا. هاوکات داوایکرد ڕێڕەوە ئاوییەکانی روبارە هاوبەشەکانی نێوان هەردوو وڵات بکرێنەوە و هەموان بگەن بە لێکتێگەیشتنێك، کە جێی رەزامەندی بێت سەبارەت بە دابەشکردنی ئاو”.

لە ڕاگەیاندراوێكدا ئەوەیش هاتووە كە سەبارەت بە شایستە داراییەکانی ئێران لەلای حکومەتی عێراق، ”سەرۆك کۆمار ئاماژەیکرد بۆ گرنگی کارکردن لەپێناو دۆزینەوەی لێکتێگەیشتنی هاوبەش و چوارچێوەیەکی گونجاو بۆ پێدانی ئەو شایستە داراییانە بە کۆماری ئیسلامیی ئێران و بە پێچەوانەشەوە”.

هەرەوها لە دیدارەکەدا، سەرۆك کۆمار ”ئیدانەی دەستدرێژییەکانی سەر کۆماری ئیسلامیی ئێرانی کرد، کە بوەهۆی شەهیدبونی ئیسماعیل هەنیە و هاوەڵانی جەختیشی لە هەڵوێستی پتەو و نەگۆڕی عێراق کردەوە سەبارەت بە دۆزی فەڵەستین و مافی گەلی فەڵەستین لە گەیشتنی بەخواستەکانی و بەدەستهێنانی تەواوی مافەڕەواکانی لەسەر خاکەکەی”.

بە گوێرەی ڕاگەیەندراوەكە ”هەردوو لا دەستدرێژییە دڕندانەکانی قەوارەی زایۆنی بۆسەر کەرتی غەززە و  خاکی فەڵەستین سەرکۆنە کرد، کە لەئەنجامدا هەزاران شەهید و برینداری لێکەوتووەتەوە و گەمارۆی ناڕەوای خۆراك، ئاو، کارەبا و سوتەمەنی سەپاندوە. لەم بارەیەشەوە پشتگیری عێراقی بۆ هەر دەستپێشخەرییەکی ناوچەیی یان نێودەوڵەتی دوپاتکردەوە بۆ نەهێشتنی گرژییەکان و بەدیهێنانی ئاسایش و سەقامگیری لەناوچەکەدا”. 

لەلای خۆیەوە سەرۆك پزیشکیان سوپاس و پێزانینی خۆی بۆ پێشوازی گەرم و میواندارییەکە دەربڕی و هەوڵەکانی سەرۆك کۆماری بۆ بەهێزکردن و پتەوکردنی پەیوەندیی دۆستانە لەنێوان هەردوو وڵات و گەلی دراوسێدا بەرزنرخاند. جەختیشیکردوە، کە کۆماری ئیسلامی بە پەرۆشە بۆ  بەهێزکردنی پەیوەندییەکان لەگەڵ عێراق لە بوارە جیاوازەکان و هاوئاهەنگیکردن سەبارەت بە هەموو ئەو پرسانەی جێی بەرژەوەندی هاوبەشن، هەروەها خواستی وڵاتەکەی دەربڕی بۆ دۆزینەوەی دەرفەت و میکانیزمی زیاتری هاریکاری لەپێناو بەهێزکردنی پەیوەندییەکانی نێوان هەردوو وڵات.

هەروەها سەرۆك  کۆماری ئیسلامیی ئێران داوای پێکهێنانی لێژنەیەکی هاوبەشی لەنێوان هەردوو وڵاتی دراوسێدا کرد لەپێناو داڕشتنی بەرنامەیەکی ستراتیژی بۆ هاریکاری هاوبەش لە سێکتەرەکانی تەندروستی، ژینگه، پیشەسازی، ئاسایش و گەشتوگوزار، کە هەرێمی کوردستانیش بگرێتەوە.

بە گوێرەی ڕاگەیەندراوەكە” گفتوگۆیەکی بەرفراوان لەنێوان هەردوولادا ئەنجامدرا و سەرۆك کۆمار عەبدول لەتیف جەمال رەشید، سەرۆکایەتی لایەنی عێراقی کرد، کە پێکهاتبو لە د.فوئاد حسێن جێگری سەرۆك وەزیران و وەزیری دەرەوە، ئیبراهیم نامس وەزیری پەروەردە، د.نەعیم عەبودی وەزیری خوێندنی باڵا و توێژینەوەی زانستی، زیاد عەلی فازڵ وەزیری کارەبا، د.هیام یاسری وەزیری پەیوەندییەکان و نەسیڕ عەبدولموحسین باڵیۆزی عێراق لە تاران و ژمارەیەك لە راوێژکاران و لێپرسراوانی حکومی”.

"دیاردەی گۆڕانی کەشوهەوا یەکێکە لە دیارترین تەحەددیاتەکانی بەردەم هەردوو وڵات و جیهان بەگشتی"، جەختیشیکردەوە "گرنگی کردەوەی هاوبەش لەم بوارەدا بەتایبەت پرسی ئاو، لەهەمان کاتدا داوای کرد". بۆ ئازادکردنی ئاوەکانی ڕووباری سنووری هاوبەش و گەیشتن بە لێکتێگەیشتنێکی جێگەی ڕەزامەندی بۆ هەمووان سەبارەت بە هاوبەشکردنی ئاو."