هێزەکانی دژە تیرۆر ئۆپراسیۆنێکی ئەمنی بۆ سەر حەشارگەیەکی چەتەکانی داعش لە ئەنبار ئەنجام دەدەن
ئەمنی
- 8-09-2024, 14:27
بەغدا-INA
ئەمڕۆ یەکشەممە،فەرماندەیی ئۆپەراسیۆنە هاوبەشەکان جێبەجێکردنی ئۆپەراسیۆنێکی ئەمنی بۆ سەر کۆشکێکی چەتە تیرۆریستییەکانی داعش لە ئەنبار ڕاگەیاند.
فەرماندەی ئۆپراسیۆنە هاوبەشەکان لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی،تیایدا هاتووە:-لە ئۆپراسیۆنێکی پێشوەختە بۆ ڕاودونانی پاشماوەی چەتەکانی داعشی تیرۆریستی، بەپشت بەستن بە کاری وردی هەواڵگری و بەدواداچوونی یەکەی دژە تیرۆر،و لە ژێر چاودێری جێگری فەرماندەی ئۆپەراسیۆنە هاوبەشەکان ، ئۆپەراسیۆنێکی ئەمنی هاوبەش لەگەڵ دەزگای هەواڵگری نیشتمانی عێراق و بە پاڵپشتی فڕۆکەوانی سوپا و هێزی ئاسمانی، لە بیابانی ئەنبار ئەنجامدرا ، بۆ سەر یەکێک لەو حەشارگانەی کە لەلایەن چەتە تیرۆریستییەکانی داعشەوە بەکارهێنرابوون.
وەک بەیاننامەکە ئاماژەی پێداوە:- لە ئۆپەراسیۆنەکەدا،دەست گیرا بەسەر چەندین ئامێری وەک مۆبایل و کۆمپیوتەر و تۆمارەکان کە لەلایەن ئەندامانی باندە تیرۆریستییەکانی داعشەوە لە کۆشکەکەدا شاردرا بونەوە و بۆ کردەوەی تیرۆر کەڵکیان لێ وەرگرتوە.
