4 هەزار هاوڵاتی کەرکوک بە تیروپشک ناویان بۆ حەج دەرچوو
ناوخۆ
- 8-09-2024, 13:29
ئەمرۆ یەک شەممە، لەژێر چاودێری دادوەرانی ئەنجومەنی باڵای دادوەری،دەستەی حەج و عومرە تیروپشکی ئەلیکترۆنی بۆ 85000 هاوڵاتی لە هۆڵی ئەنجومەنی پارێزگای کەرکوک بۆ ساڵەکانی 2025 و 2026 و 2027 ئەنجامدا.
پەیامنێرمان لە ئاژانسی هەواڵی عێراقی(INA) کە رووماڵی مەراسیمی ڕاکێشانی تیرو پشکەکەی دەکرد، پێی ڕاگەیاندین :- کە لە کۆی گشتی ئەو کەسانەی ئارەزوی بەجێ گەیاندنی فەریزەی حەجیان کردبو 1280 کورسی حەج بۆ پارێزگای کەرکوک دەستەبەرکراوە بۆ هەر ساڵێک،بۆ ساڵی 2025یش ژمارەکە زیاترە لە 900 هاوڵاتی ، کە ساڵانی پێشوتر بەهۆی بڵاوبونەوەی پەتای کۆرۆناوە نەیانتوانیبو فەریزەی حەج بەجێ بگەیێنن.
بەپێی زانیارییەکانی پەیامنێرمان :- دوای دەرچونی ناوەکان پێویستە ئەو هاوڵاتیانەی ناویان لە تیروپشکا هاتوە سەردانی دەستەی حەج و عەمرە بکەن ، بۆ ئەوەی دۆسێیان بۆ بکرێتەوە پاشان قیستی سەرەتایی تێچوی حەج دەدەن و دواتر لەلایەن لێژنەیەکی تەندروستیەوە بەشداری لە پرۆگرامێکی تایبەتی راهێنان خۆ ئامادەکردن دەکەن تاکو بتوانن بێ کێشە و گرفت مەناسیکی حەج ئەنجامبدەن.
