میدالی بڕۆنز بۆ عێراق لە پاڵەوانێتی بۆكسێنی ئاسیا

بەغدا - INA
یاریزانی هەڵبژاردەی نیشتمانیی بۆكسێنی تازپێگەیشتوانی عێراق یوسف سەعد، میدالیای برۆنزی لە كێبڕكێی كێشی 63 كیلۆگرام لە پاڵەوانێتی ئاسیا كە لە ئەبوزەبی پایتەختی ئیمارات بەڕێوەچوو بەدەستهێنا، دوای ئەوەی لە یاریی پێش كۆتاییدا بە ئەنجامی 3/2 لە ڕكابەرە ئێرانییەكەی دۆڕا.
سكرتێری فیدراسیۆنی بۆكسێنی عێراق د.عەلی موسا لە بەیاننامەیەكدا بۆ فیدراسیۆنەكە كە بەدەست ئاژانسی هەواڵی عێراقی (INA) گەیشتووە و تیایداهاتووە: یوسف سەعد یاریزانی بۆكسێن لە قۆناغی پێش كۆتاییدا دۆڕا و دوای ئەوەی سێ كێبڕكێی نایابی بردەوە  وسەركەوتنی بەدەستهێنا بۆ قۆناغی پێش كۆتایی كە دواهەمینیان سەركەوتنی بە خاڵەكان بوو لە ڕكابەرەكەی لە تایپەی چینی بە ئەنجامی (4-1 ) بۆ ئەوەی بلیتی پاڵاوتن بۆ قۆناغی پێش كۆتایی تەرخان بكات، كە بە بۆكسێنەرێكی ئێرانی دۆڕا .
موسا ئاماژەی بەوەشكرد: بۆكسێنەر سەركەتوو یوسف سەعد یەكێكە لە پاڵەوانە هەڵكشاوەكانی عێراق و ماوەی چوار ساڵە لە پاڵەوانێتییە ناوخۆییەكاندایە لە بەشەكانی بەچكەشێران وتازەپێگەیشتوان، ئەو لە كەمپەكانی مەشقی ناوخۆیی درێژخایەن تێكەڵكرا، بۆ ئەوەی پەرە بە توانا تەكنیكی و جەستەییەكانی لە ژێر دەستیدا بێت ، بەسەرپەرشتی راهێنەر ڕافد خەلیل و یاریدەدەری محەمەد جەواد، بە لەبەرچاوگرتنی تایبەتمەندییە جەستەییەكانی ئەو بۆكسێنەرە، بە تایبەتی وای لێكرد ببێتە یەكێك لەو كەسانەی كە دەتوانرێت پشتی پێ ببەسترێت بۆ بەدەستهێنانی دەستكەوتی زیاتری عەرەبی و ئاسیا لە ساڵانی داهاتوودا.