كەركوك؛ دوو تۆمەباری بازرگانی ماددەی هۆشبەر دەستگیر دەكرێن

كەركوك - INA 
ئەمڕۆ چوارشەممە، لە شاری كەركوك دوو تۆمەباری بازرگانی ماددەی هۆشبەر دەستگیركران و دەستیش گیرا بەسەر بڕێك چەك و ماددەی هۆشبەر و كەرەستەی وەرگرتنی ماددەی هۆشبەر.
پەیامنێری ئاژانسی هەواڵی عێراقی لە كەركوك رایگەیاند: بە سەرپەرشتی فەرماندەی پۆلیسی كەركوك عەمیدی مافپەروەر فەتاح مەحمود خەفاجی و عەمیدی پۆلیس قەیسەر محەمەد جبوری بەڕێوەبەری بەڕێوبەرایەتی كاروباری ماددە هۆشبەرەكان و كارتێكەرە دەرونیەكانی كەركوك پرۆسەیەكی ئەمنی پشت بەستوو بە زانیاری هەواڵگری ورد بە هاوبەشی فەوجی تاكتیكی و هێزی سوات ئەنجامدرا دژ بە مۆڵگەیەكی بازرگانی ماددە هۆشبەرەكان، تیایدا دوو تۆمەتبار دەستگیركران و بڕێك چەك و ماددەی هۆشبەر و كەرەستەی وەرگرتنی ماددەی هۆشبەر و تەرازویەكی ئەلیكترۆنی دەستیان بەسەردا گیرا.
وتیشی: پرۆسەكە پاش دانانی بۆسەیەكی نەخشە بۆ داڕێژراو هاتە ئەنجام لە پارێزگای كەركوك و تاوانبارەكان بە پێی ماددەی 28ی یاسای قەڵاچۆكردنی ماددە هۆشبەرەكان و كارتێكەرە دەرونیەكان ژمارە 50ی ساڵی 2017 راگیراون. ئەمەش لە چواچێوەی هەوڵەكان بۆ سنورداركردنی بڵاوبونەوەی  ماددە هۆشبەرەكان دێ لە نێو چینەكانی كۆمەڵگا.
پەیامنێرمان ئاماژەی بۆ ئەوەشكرد:  لایەنە پەیوەندیدارەكان داوا لە هاوڵاتیان دەكەن كە لەڕێی هێڵی گەرمی ژمارە 178ەوە هێزە ئەمنیەكان ئاگاداربكەنەوە لەهەر حاڵەتێكی گوماناوی پەیوەست بە بەكارهێنان و بازرگانیكردن بە ماددەی هۆشبەرەوە، ئەوەشیان دوپاتكردۆتەوە كە پەیوەندی هاوڵاتیان بە هێڵی گەرمی ژمارە 178 بەوپەڕی نهێنیەوە مامەڵەی لەگەڵ دەكرێ و ناسنامەی ئەو كەسەی هێزە ئەمنیەكان ئاگاداردەكاتەوە بە نهێنی دەمینێتەوە.