ژمارەی شەهیدانی شاری جەنین بۆ 22 شەهد بەرزبووەوە
جیهانی
- 1-09-2024, 12:00
بەدواداچون-INA
بەهۆی هێرشەکانی سوپای زایۆنی بۆ چوارەمین ڕۆژی لەسەریەک لەجەنین،شەڕێکی خوێناوی لە کەناری ڕۆژئاوای داگیرکراوی باکوور دروستکردوە و تا ئێستا 22 شەهیدی فەلەستینی لێکەوتۆتەوە.
هاوکات سەرەڕای بەردەوامی پێکدادانەکان لە غەززە، بەرپرسێکی تەندروستی دەستپێکردنی هەڵمەتی کوتانی ئیفلیجی منداڵانی لە کەرتی غەززە ڕاگەیاند.
(دکتۆر موسا عابد ) بەڕێوبەری چاودێری تەندروستی سەرەتایی لە وەزارەتی تەندروستی لە کەرتی غەززە،ڕایگەیاند کە تیمەکانی وەزارەت،بە هاوکاری نەتەوە یەکگرتووەکان و ڕێکخراوە ناحکومییەکان، ئەمڕۆ دەستیان بە هەڵمەتی کوتان دژی ئیفلیجی منداڵان کرد لەناوچەی ناوەڕاست.
