لە ئەنبار دەست بەسەر حەشارگەیەکی گەڕۆکی تیرۆریستانی داعش دادەگرێت

ئەمنی

31-08-2024, 19:30

+A -A

بەغدا-INA
ئەمڕۆ شەممە،دەستەی حەشدی شەعبی لە بەیاننامەیەکدا ، کە بۆ ئاژانسی هەواڵی عێراقی (INA) ناردوویەتی،تیایدا هاتووە:- کە هێزێک لە لیوای 55 ی حەشد لە پارێزگای ئەنبار دەستیان بەسەر حەشارگەیەکی گەڕۆک لە پاشماوەکانی چەکدارانی داعش لە بیابانی ڕوتبەدا گرتوە.
وەک بەیاننامەکە ئاماژەی پێداوە :- ئۆپراسیۆنە ئەمنییەکە لەسەر بنەمای زانیاریی هەواڵگریی ورد و پلانی ورد جێبەجێکراوە،کە تیایدا هێزەکە توانیویەتی بگاتە یەکێک لە پەناگە گەڕۆکەکانی پاشماوەکانی چەکدارانی داعشی تیرۆریست، کە چەک و کەرەستەی سەربازیی تێدابوو.
هەر بەگوێرەی بەیاننامەکە :- ئامانج لەم ئۆپەراسیۆنانە پاراستنی ئاسایش و سەقامگیری و سەلامەتی خەڵکی مەدەنی و نەهێشتنی پاشماوەی چەکدارانی داعشی تیرۆریستە لە پارێزگاکەدا.