مالیكی جەخت لە پێویستی هەوڵی یەكگرتووی هەموو كۆمەڵگا دەكاتەوە بۆ بنیاتنانی دەوڵەتێكی تۆكمە

بەغداد - INA
ئەمڕۆ چوارشەممە، سەرۆكی هاوپەیمانی دەوڵەتی یاسا نووری مالیكی، جەختیكردەوە: لەسەر پێویستی هەوڵی هاوبەش لەلایەن چین و توێژە جیاجیاكانی كۆمەڵگای عێراقی  بە مەبەستی بنیاتنانی دەوڵەتێكی تۆكمە.
نوسینگەی ڕاگەیاندنی سەرۆكی هاوپەیمانی دەوڵەتی یاسا لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: سەرۆكی هاوپەیمانی دەوڵەتی یاسا نووری مالیكی، پێشوازی لە نەقیبی سەندیكای ڕۆژنامەنووسان موئەیەد لامی كرد.
بەپێی بەیاننامەكە، مالیكی لە میانی دیدارەكەدا ئاماژەیكرد، بە پێویستی هەوڵی هەموولایەك لەلایەن هەموو چین و توێژەكانی كۆمەڵگەی عێراقەوە بەمەبەستی بنیاتنانی دەوڵەتێكی تۆكمە كە ئامانجی بەدیهێنانی خۆشگوزەرانی گەلی عێراق بێت، هاوكات پێزانین و شانازیی خۆی بۆ ڕۆژنامەنووسان دەربڕی بۆ ئەو قوربانیدانانەی كە لە عێراقدا لە ئاستی ناوخۆیی و نێودەوڵەتیدا داویانە و كاركردنیان بۆ چەسپاندنی یەكێتی نیشتمانی و بنیاتنانەوە و ئاوەدانكردنەوەی عێراق.
لە بەرامبەردا نەقیبی سەندیكای ڕۆژنامەنووسانی عێراق، سوپاسی خۆی بۆ سەرۆكی هاوپەیمانی دەوڵەتی یاسا دەربڕی بۆ پاڵپشتی و هاوكاریی دڵسۆزانە لەگەڵ خێزانی ڕۆژنامەنووسی عێراقی.