مەسرور بارزانی و باڵیۆزی تایلەند گفتووگۆ لەبارەی ئاڵوگۆڕی بازرگانی و كشتوكاڵ و گەشتوگوزار دەكەن

سیاسی

28-08-2024, 16:39

+A -A

هەولێر - INA
ئەمڕۆ چوارشەممە، مەسرور بارزانی سەرۆكی حكومەتی هەرێمی كوردستان لەگەڵ سوپارك پرۆنگسورە باڵیۆزی شانشینی تایلاند لە ئوردن و عێراق گفتووگۆی كرد لەبارەی ئاڵوگۆڕی بازرگانی و كشتوكاڵ و گەشتوگوزار.
نوسینگەی راگەیاندنی سەرۆكی حكومەتی هەرێم لە راگەیەنراوێكدا كە بۆ ئاژانسی هەواڵی عێراقی ناردووە، دەڵێت: ئەمڕۆ چوارشەممە، مەسرور بارزانی سەرۆكی حكومەتی هەرێمی كوردستان، پێشوازی لە سوپارك پرۆنگسورە باڵیۆزی شانشینی تایلاند لە ئوردن و عێراق كرد.
راشیگەیاند: لە دیدارەكەدا گفتوگۆ لەبارەی پەرەپێدانی پەیوەندیی دوولایەنە، بەتایبەتی لە بوارەكانی ئاڵوگۆڕی بازرگانی و كشتوكاڵ و گەشتوگوزاردا كرا.
بە گوێری راگەیەنراوەكە، باڵیۆزی تایلاند ئاماژەی بە مەبەستی سەردانەكەی كرد، كە لەگەڵ شاندێكی بازرگانیی تایلاندی هاتوون، بۆ برەودان بە پەیوەندیی بازرگانی و ئابووری لەگەڵ حكومەتی هەرێمی كوردستان.
هاوكات سەرۆكی حكومەتی هەرێم خواستی هەرێمی كوردستانی بۆ پەرەپێدانی پەیوەندیی دوولایەنە لەسەر بنەمای بەرژەوەندیی هاوبەش دەربڕی.