ڕاوێژکاری حکومەت: سەردانەکەی سەرۆک وەزیران بۆ میسر و تونس پەرە بە هاوبەشی ستراتیژی دەدات

به‌غدا-INA - نەسار ئەلحەج
ئەمڕۆ سێشەممە، ڕاوێژکاری سەرۆک وەزیران بۆ کاروباری دارایی، مەزهەر محه‌مه‌د ساڵح، گرنگی سەردانەکەی محه‌مه‌د شیاع سودانی، سەرۆکی ئه‌نجوومه‌نی وەزیران بۆ وڵاتانی میسر و تونس ڕوونکردەوە و جەختی لەوە کردەوە کە ئەم سەردانە پەرە بە هاوبەشییە ستراتیژییەکان دەدات و خزمەتی بەرژەوەندییە نیشتمانیه‌كانی ناوچەییەکان دەکات.
ساڵح بە ئاژانسی هەواڵی عێراقی (INA)ی ڕاگەیاند: سەردانەکەی محه‌مه‌د شیاع سودانی، سەرۆکی ئه‌نجوومه‌نی وەزیران بۆ وڵاتانی میسر و تونس گرنگە، بەتایبەتی کە ئەوان لە دوو قۆناغی جیاوازدا ئامێزگری کۆمکاری وڵاتانی عەرەبی بوون، و  پەیوەندی مێژوویی درێژخایەنیان لەگەڵ عێراقدا هەیه‌.
ئاماژەی بەوەشکرد كه‌سەردانەکەی سەرۆک وەزیران بۆ میسر و تونس لە چەند لایەنێکەوە گرنگییەکی گەورەی هه‌یە، دیارترینیان پتەوکردنی پەیوەندییە دووقۆڵییەکان و پتەوکردنی هاوکارییە لە بوارەکانی ئاڵوگۆڕی ئابووری و ڕۆشنبیری و پەروەردەیی. ئەم سەردانە گرنگە ڕێگەش دەکاتەوە بۆ واژۆکردنی ڕێککەوتنه‌كان یان یاداشتنامەی لێکتێگەیشتن و ته‌كنیكی کە لە بەرژەوەندی هاوبەشی بەکۆمەڵدایە.
ناوبراو لە درێژەی قسەکانیدا وتی: ئەم سەردانە دەبێتە هۆی زیاتر  بەهێزكردنی ڕێگاکانی هاوکاری هاوبەش بەتایبەتی پەرەپێدانی پڕۆژەکانی ئێستا لە بواری بیناسازی و نیشتەجێبوون کە لەلایەن کۆمپانیاکانی هەردوو وڵات و بەتایبەت میسرەوە ئەنجام دەدرێن، جگە لە بەرزکردنەوەی ئاستی بازرگانی و وەبەرهێنان لەگەڵ ئەو دوو وڵاتە خوشکه‌، کە سوودی بۆ ئابووری نیشتمانی عێراق و ئەو دوو وڵاتە دەبێت، جگە لە به‌هێزكردنی شێوازی لێکنزیکبوونەوە له‌نێوان نه‌وه‌كانی ناوچه‌كه‌ و گه‌لانی، هه‌روه‌ها ئه‌م سه‌ردانه‌ ده‌رفه‌تێك دروست ده‌كات بۆ گفتوگۆ سه‌باره‌ت به‌پرسه‌ هه‌رێمایه‌تی و نێوده‌وڵه‌تییه‌كانی هاوبه‌ش."
ساڵح جەختی لەوەش کردەوە کە سەردانەکەی سەرۆک وەزیران بۆ میسر و تونس دەبێتە هۆی پەرەپێدانی هاوبەشی ستراتیژی و گەیشتن بە ئامانجە هاوبەشەکان کە خزمەت بە بەرژەوەندییە نیشتمانی و ناوچەییەکان دەکات.
ئەمڕۆ سێشەممە، محه‌مه‌د شیاع سودانی، سەرۆکی ئه‌نجوومه‌نی وەزیران به‌سەردانێکی فەرمی گه‌یشته‌ کۆماری میسری عەرەبی و دواتر به‌سه‌ردانێكی فه‌رمی ده‌گاته‌ کۆماری تونس.
هه‌روه‌ها بەیانی ئه‌مڕۆ سێشەممە له‌ڕێوڕەسمێکی فەرمیدا پێشوازی لە محه‌مه‌د شیاع سودانی، سەرۆکی ئه‌نجوومه‌نی وەزیران لە شاری عەله‌مینی میسر كرا.