سەرۆک وه‌زیران دووپاتی دەکاتەوە کە حکومەت بەردەوام دەبێت لە خستنەڕووی پڕۆژە خزمەتگوزارییەکان بۆ دڵنیابوون لە به‌ڕێوچوونی مه‌راسمی چله‌

بەغدا –INA

سەرۆكی ئەنجومەنی وەزیران محەمەد شیاع سودانی، دووپاتی دەکاتەوە کە حکومەت بەردەوام دەبێت لە خستنەڕووی پڕۆژە خزمەتگوزارییەکان بۆ دڵنیابوون لە به‌ڕێوچوونی مه‌راسمی چله‌ ئیمام حوسێن (س.خ) .

نوسینگەی ڕاگەیاندنی سەرۆكی ئەنجومەنی وەزیران لە راگەیندراوێكدا كە بۆ ئاژانسی هەوالێ عێراقی ( INA )نێردراوەتێیدا هاتووە " محەمەد شیاع سودانی، سەرۆكی ئەنجومەنی وەزیران، ئێوارەی دوێنێ شەممە لە چوارچێوەی سەردانەکەیدا بۆ پارێزگای کەربەلا لەگەڵ سەرۆک و ئەندامانی ئەنجومەنی پارێزگاکە کۆبووەوە، بەمەبەستی بەدواداچوون بۆ بەڕێوەچوونی پلانی یادکردنەوەی چلەی ئیمام حوسێن و هاوەڵانی سەلامی خوایان لێ بێت".

هه‌روه‌ها لە میانەی کۆبوونەوەکەدا سه‌رۆك وه‌زیران ئاماژەی بە "هەوڵە هاوبەشەکان کرد بۆ سەرکەوتنی زیارەتی چلە لە هەموو لایەنە خزمەتگوزاری و ئەمنییەکانەوە و جەختی کردەوە لەوەی کە حکومەت بەردەوام دەبێت لە لیستکردنی پڕۆژەکانی ژێرخان و پڕۆژە خزمەتگوزارییەکان لەگەڵ دەستەبەرکردنی ئاسان کاری کردن و ڕێکخستنی زیارەت ، لە پارێزگا دوورەکان یان نزیکەکانی کەربەلاوە تا مەزاری سەید شوهەدا ئیمام حوسێن و عەباس سەلامی خوایان لێ بێت".

بەگوێرەی ڕاگەیەندراوەكە سودانی ئەوەشی ڕوونکردەوە کە ئەرکەکان دەکەونە چوارچێوەی بەرپرسیارێتی حکومەتە خۆجێیەکانەوە بە پارێزگای کەربەلایشەوە و گرنگییەکی گەورەیان هەیە لەهەموو ئەو شتانەی کە کاریگەریان لەسەر ژیانی هاوڵاتیان هەیە"،سه‌رۆك وه‌زیران جه‌ختی له‌سه‌ر " پێویستی گونجاندنی پڕۆژە ناوخۆییەکان لەگەڵ ئەولەویەتەکانی بەرنامەی حکومەت و پڕۆژە ستراتیژییەکان، کە لەلایەن وەزارەتەکانەوە پلانیان بۆ دادەڕێژرێت و دارایی دەکرێت بۆ گەیشتن بە پێداویستییەکانی هاوڵاتیان و بەدیهێنانی خواستەکانیان لەدامودەزگاکانی حکومەتی فیدراڵ و خۆجێی کە خزمەتگوزاری پێشکەش دەکەن و کار دەکەن بۆ بەرزکردنەوەی ئاستی ئابووری و گوزەرانی گەلەکەمان لە سەرانسەری عێراق".