حەشارگەیەكی تیرۆریستان و كوشتنی ئەوانەی لە ناویدابوون لە زنجیرە چیای حەمرین وێراندەكرێت

ئەمنی

22-08-2024, 09:30

+A -A

بەغداد - INA
ئەمڕۆ پێنجشەممە، فەرماندەیی ئۆپەراسیۆنە هاوبەشەكان، لەناوبردنی حەشارگەیەكی تیرۆریستان و كوشتنی ئەوانەی لە ناویدا بوون لە زنجیرە چیای حەمرین لە چوارچێوەی كەرتی ئۆپەراسیۆنەكانی دیالە ڕاگەیاند.
فەرماندەیی ئۆپەراسیۆنەكان لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: فڕۆكەكانی F16 كاتژمێر 7:00ی بەیانی ئەمڕۆ پێنجشەممە، هێرشێكی ئاسمانی سەركەوتوویان ئەنجامدا و حەشارگەیەكی تیرۆریستییان لە زنجیرە چیای حەمرین لە چوارچێوەی كەرتی ئۆپەراسیۆنەكانی دیالە كردە ئامانج.
ئاماژەی بەوەشكرد: هێرشە ئاسمانییەكە بووە هۆی كوژرانی مەفرەزە تیرۆریستییەكان و لەناوبردنی ئەو شتانەی لەناو حەشارگەكەدا بوون، لەنێویاندا تانكی سووتەمەنی و ئامێر و كەرەستەی لۆجستی.
رونیشیكردەوە: ئەو شوێنە خاڵی ئامادەبوون و جوڵە بوو كە بۆ پێشكەشكردنی پشتیوانی لۆجستی بۆ ئەندامانی باندە تیرۆریستییەكانی داعش بەكاردەهێنرا.