سه‌رۆك ویزیران فه‌رمانی ته‌واو كردنی پرۆژه‌ی ستراتیژییەکان پارێزگای نه‌ینه‌وای كرد

بەغدا –INA

سەرۆكی ئەنجومەنی وەزیران محەمەد شیاع سودانی،ئه‌مڕۆ چوارشه‌ممه‌ فه‌رمانی كرد به‌ته‌واوكردنی پرۆژه‌ی ستراتیژییەکان پارێزگای نه‌ینه‌وا.

نوسینگەی ڕاگەیاندنی سەرۆكی ئەنجومەنی وەزیران لە راگەیندراوێكدا كە بۆ ئاژانسی هەوالێ عێراقی ( INA )نێردراوەتێیدا هاتووە " محەمەد شیاع سودانی، سەرۆكی ئەنجومەنی وەزیران، ئەمڕۆ چوارشەممە، پێشوازی کرد لە پارێزگاری نەینەوا عەبدولقادر ئەحمەد دەخیل"،هه‌روه‌ها لەمیانەی دیدارەکەدا "تاوتوێی بارودۆخی گشتی پارێزگای نەینەوا و بەرەوپێشچوونی جێبەجێکردنی پڕۆژە خزمەتگوزاری و ئابوورییەکان کرا، کە دەکەونە چوارچێوەی ئامانجەکانی بەرنامەی حکومەتەوە و خواستەکانی هاووڵاتیان بۆ دۆخێکی خزمەتکردن و ئابووری باشتر بەدیدەهێنێت".

لە ڕاگەیەندراوەکەدا ئاماژە بەوەشکراوە، "سەرۆکی ئەنجومەنی وەزیران فەرمانی کرد خێرا بکرێت لە تەواوکردنی پڕۆژە ستراتیژییەکان لەپارێزگاکە، کە گرنگی و پێداویستییەکی بەپەلە بۆ هاووڵاتیان پێکدەهێنێت، بەتایبەتی پڕۆژەکانی ژێرخان و نەخۆشخانە و بینای قوتابخانەکان لەگەڵ پڕۆژەکانی ئاو و ئاوەڕۆ و پڕۆژە خزمەتگوزارییەکانی تر، و بەردەوامبوون لەئاوەدانکردنەوەی ناوچەکانی شەنگال و دەشتی نەینەوا و ئامادەکردنی هەموو ئەو شتانەی کە دەبێتە هۆی پێکەوەژیانی ئاشتیانە لەنێوان پێکهاتەکانی پارێزگاکە ".