پاسپۆڕتی فڕۆکەخانەی بەغداد: سەرۆک وەزیران فەرمانیدا بە لابردنی ئاستەنگەکانی بەردەم سەردانیکارانی چلە

بەغداد/ INA ویسام مەلا
بەڕێوەبەرایەتی نیشتەجێ و پاسپۆڕتی فڕۆکەخانەی بەغدادی نێودەوڵەتی ئەحمەد کنانی ئەمڕۆ ڕۆژی سێشەممە ڕایگەیاند کە هۆڵی نوێ بۆ سەردانیکاران کراوتەوە بۆ کەمکردنەوەی ئەو قەرەباڵغیەکەی کە لە ژمارەی زۆری سەردانیکارانی چلەوە دروست بووە ، هەروەها ئاماژەشی بەوەکرد کە سەرۆک وەزیران محمد شیاع سودانی فەرمانیداوە بە لابردنی ئاستەنگەکانی بەردەم سەردانیکارانی چلە.
کنانی بە ئاژانسی هەواڵی عێڕاقی ڕاگەیاند کە بەفەرمانی سەرۆک وەزیران و وەزیری ناوخۆ سەرجەم ئاستەنگەکانی بەرامبەر سەردانیکارانی چلە لابران و ئاسانکاریش لەڕێکارە ڕۆتینیەکان کراوە.
ڕوونیشی کردەوەکە هەماهەنگی هەیە لە فڕۆکەخانەی بەغداد لەنێوان دەزگای هەواڵگری و پاسپۆڕت و دەروازەەکان و بەڕێوەبەری فڕۆکەخانەی بەغداد.
جگەلەوەش هۆڵی دیکە کراونەتەوە بۆ سەردانیکاران و کارمەندەکانیش شەربەت و خۆراک بەسەر سەردانیکاراندا دابەش دەکەن.
 ئاماژەشی بەوەکرد کە سەرۆک وەزیران و وەزیری ناوخۆ ڕێنماییان داوە بە یارمەتیدانی سەردانیکاران بەپێی یاساوڕێسا کارپێکراوەکان.
وتیشی فڕۆکەخانەی بەغدادی نێودەوڵەتی ڕۆژانە پێشوازی لە 7-8 هەزارسەردانیکار دەکات لە سەرەتای یادی چلەوە و تاکو ئێستاش 100 هەزار سەردانیکارگەیشتونەتە عێڕاق لەڕێگای فڕۆکەخانەی بەغدای نێودەوڵەتیەوە.