وەزارەتی تەندروستی ڕایگەیاند کە تاهەنووکە هیچ حاڵەتێکی تووشبوون بە ئاوڵەی مەیموون لەعێڕاقدا تۆمارنەکراوە
ناوخۆ
- 19-08-2024, 17:53
بەغداد/ ـINA
وەزارەتی تەندروستی ئەمڕۆ ڕۆژی دووشەممە ڕایگەیاند کەتاکوئێستا هیچ حاڵەتێکی تووشبوون بە ئاوڵەی مەیموون لەعێڕاقدا تۆمارنەکراوە.
وەزارەتی تەندروستی لەبەیاننامەیەکدا کە ئاژانسی هەواڵی عێڕاقی وەریگرتووە تیایدا هاتووە کە وەک بەدووداچونێک بۆ ڕاگەیاندراوەکەی ڕێکخراوی تەندروستی جیهانی دەربارەی ڕاگەیاندنی باری نائاسایی لەسەرئاستی جیهان لەبەر بڵاوبوونەوەی جۆری یەکەمی ڤایرۆسی ئێم بوکس کە بە ئاوڵەی مەیموون ناسراوە ئێمە وەک وەزارەتی تەندروستی ڕایدەگەیەنین کە تاکو ئێستا هیچ حاڵەتێکی لەوجۆرەمان تۆمار نەکردووە لەعێڕاقدا.
هەروەها وەزارەت هاووڵاتیانی خاترجەمکرد کە سەرجەم ڕێکارەکان و ئامادەسازیەکانی پەیڕەوکردووە لەئەگەری سەرهەڵدانی هەر حاڵەتێکی لەوجۆرە، جەختیشی کردەوەسەر گرنگی وەرگرتنی زانیاریەکان لەسەرچاوە فەرمیەکانی خۆیەوە کەدەسەڵاتیان لەوبارەیەوە پێبەخشراوەو بڕوا بەو پڕوپاگەندانە نەکەن کە لەسەرچاوەی باوەڕپێنەکراوەوە دەستیان دەکەوێت.
