شەمەری فەرمانیدا بە پاراستنی سەرجەم ئەو ڕێگایانەی کە دەڕۆنەوە سەر کوفە و دابینکردنی سەرجەم پێداویستییەکان بۆ سەردانکەرانی چلە

بەغدا-INA
ئەمڕۆ شەممە"عەبدولئەمیر شەمەری" وەزیری ناوخۆ،ڕێنمایدا بە پاراستنی سەرجەم ڕێگاوبانەکان کە دەچنەوە شاری کوفە و دابینکردنی پێداویستی بۆ زیارەتکەرانی چلە.
وەزارەتی ناوخۆ لە ڕاگەیەندراوێکدا کە بۆ  ئاژانسی هەواڵی عێراقی (INA) ناردوویەتی تیایدا هاتووە : لە درێژەی بەرنامەکانی حکومەت بۆ بەدواداچوون و دەستەبەرکردنی ئاسایش بۆ زیارەتکەران " عەبدولئەمیر شەمەری"  وەزیری ناوخۆ،سەردانی بەرێوەبەرایەتی پۆلیسی کوفەی کرد لە نەجەفی پیرۆز.
وەك ڕاگەیەندراوەکە ئاماژەی پێداوە:- "شەمەری " بە ئامادەبوونی فەرماندەی پۆلیسی پارێزگاکە و سەرکردە ئەمنییەکان  و ژمارەیەک ئەفسەر لە کۆبونەوەیەکدا جەختیکردەو،کە پێویستە ئەم بەڕێوبەرایەتییە ئەرکە پێسپێردراوەکانی بە تەواوی جێبەجێبکات لە بەدواداچوون بۆ هەموو کەسانی داواکراو، و ڕێگریکردن لە ڕوودانی تاوانی جیاجیا.
لە درێژەی ڕاگەیەندراوەکەدا  هاتووە:- کۆبونەوەکە تیشکی خستەسەر  سەردانەکەرانی چلە و لەو ڕوانگەیەشەوە وەزیری ناوخۆ  ڕێنماییدا کە دەبێت ئاسایشی سەرجەم ئەو  ڕێگاوبانانە دەستەبەر بکرێت کە دەچنەوە سەر  شاری کوفە،هەروەها دابینکردنی پێداویستییەکان بۆ زیارەتکەران، بەئامانجی سەرخستنی  وەرزەی  ئەمساڵی چلەکە.