ئەنجومەنی راژە: ئەو كەسانەی كە خاوەن پێداویستی تایبەتیان هەیە سەرجەم كەناڵەكانی دامەزراندن دەیانگرێتەوە

بەغداد - INA
ئەمڕۆ هەینی، ئەنجومەنی راژەی فیدراڵی رایگەیاند:  كەسوكاری خاوەن پێداویستی تایبەت سەرجەم كەناڵەكانی دامەزراندن دەیانگرێتەوە.
سەرۆكی ئەنجومەنی راژە مەحمود تەمیمی بە ئاژانسی هەواڵی عێراقی ڕاگەیاند: ئەنجوومەنی راژە كاردەكات بۆ دڵنیابوون لە نمرەی پیشەیی بۆ ئەم بەشە بە دانانی كەناڵێكی تایبەت بۆ دامەزراندنیان وەك بەشێك لە بەرژەوەندی دەوڵەت بۆیان، و وتیشی: یاساكە 5%ی نمرەی پیشەیی بۆ ئەم بەشە دیاری دەكات.
ئاماژەی بەوەشكرد: لە هەموو ئەو پرۆگرامانەی دامەزراندن كە لەلایەن ئەنجومەنی راژەوە دەستیپێكردووە، جا چ لە دانانی هەڵگرانی بڕوانامەی باڵا یان دەرچووی سێ یەكەمەكان، تەنانەت ئەو دامەزراندنانەی لە وەزارەتی تەندروستی لەنێو زنستەكاندا دەكرێت، ئەوانیش لەم دامەزراندنانەدا جێگیركراون، بەمەرجێك داواكار بەڵگەی بەشداریكردنی لە یاسای كەسانی خاوەن پێداویستی تایبەت لە دەزگا كەرتییەكان پێشكەش بكات كە بەپێی یاسا دیاریكراون، و وتیشی:  ئەم بەڵگەنامانە پەسەند دەكرێن كاتێك نمرەكان دروست دەكرێن و كاتێك بڕیاری دامەزراندن دەردەچن.
ئاشكراشیكرد: سەردانەكەی بۆ قاهیرەی پایتەختی میسر، ئامانجی كاراكردنی ئەو یاداشتەیە كە پێشتر لەگەڵ لایەنی میسری واژۆ كرابوو و هەروەها پێكهێنانی لیژنەی هاوبەش بۆ جێبەجێكردنی بڕگەكانی،و وتیشی: ئەنجوومەنی راژە هەوڵدەدات كات كەم بكاتەوە بە سوودوەرگرتن لە شارەزایی میسری لە ڕێگەی ئاڵوگۆڕی ئەزموونەكانی نێوان هەردوو وڵات بۆ پێشخستنی واقیعی خزمەتگوزاری لە كەرتی گشتیەوە.