وەزارەتی ناوخۆ دەستگیركردنی تۆڕێكی بازرگانیكردن بە ماددەی هۆشبەر لە نەجەفی ئەشرەف رادەگەیەنێت

ئەمنی

16-08-2024, 13:11

+A -A

بەغداد - INA
ئەمڕۆ هەینی، وەزارەتی ناوخۆ دەستگیركردنی تۆڕێكی بازرگانیكردن بە مادەی هۆشبەری لە پارێزگای نەجەفی ئەشرەف ڕاگەیاند.
وتەبێژی وەزارەتی ناوخۆ و شانەی ڕاگەیاندنی ئەمنی عەمید میقداد میری، لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: لەچوارچێوەی زنجیرەیەك ئۆپەراسیۆنی وردی ئەمنی و هەواڵگری، بەڕێوەبەرایەتی كاروباری ماددە هۆشبەرەكان لە بابل، بە هەماهەنگی لەگەڵ بەڕێوەبەرایەتی كاروباری ماددە هۆشبەرەكانی نەجەفی ئەشرەف، توانی تۆڕێكی بازرگانیكردن بە ماددە هۆشبەرەكان دەستگیربكات كە پێكهاتووە لە پێنج تۆمەتبار كە (6) كیلۆگرام ماددەی هۆشبەر (ماریغوانا)یان لە پارێزگای نەجەفی ئەشرەف پێگیراوە.
ئاماژە بۆ ئەوەشكراوە: تۆمەتباران بە بڕیاری دادوەر بەپێی بڕگەكانی ماددەی (28)ی ماددە هۆشبەرەكان، بۆ وەرگرتنی سزای دادپەروەرانەیان دەستبەسەركراون.