وەزیری نەوت: گرێبەستمان بۆ سەرجەم كێڵگە غازییەكان كردووە و سووتاندنی 65%ی بڕەكەیمان وەستاندووە

بەغداد - INA
ئەمڕۆ پێنجشەممە، جێگری سەرۆك وەزیران بۆ كاروباری وزە و وەزیری نەوت حەیان عەبدولغەنی، تەئكیدی لە ئەنجامدانی گرێبەست بۆ سەرجەم كێڵگە غازییەكان و وەستاندنی سووتانی 65%ی بڕی غاز كردەوە.
عەبدولغەنی بە ئاژانسی هەواڵی عێراقی ڕاگەیاند: هیچ كێشە و گرفتێكی تەكنیكی لە پرۆسەی پەرەپێدانی بوار و بلۆكەكانی گەڕان لە چوارچێوەی خولی پێنجەمی تەواوكەر و شەشەمی مۆڵەتدان نییە، بەو پێیەی هەموو ئەو زانیاریانەی كە پێویستیان بەو كۆمپانیایانە هەیە كە واژۆیان لەگەڵ كردووە لە جانتای زانیاریدا بەردەستە كە چەندین ستاندارد و زانیاری لەخۆدەگرێت لە ڕێگەیەوە كە كۆمپانیاكان دەتوانن نرخەكانیان پێشكەش بكەن، جگە لەوەش وادە دیاریكراوە بۆ كۆمپانیاكان بۆ پێشكەشكردنی ئەم ئۆفەرانە، چونكە پرۆسەكە زیاتر لە شەش مانگی خایاند بۆ لێكۆڵینەوە لەم زانیاریانە.
ئاماژەی بەوەشكرد: لەو ماوەیەدا وەزارەتی نەوت وەڵامی هەموو ئەو پرسیارانەی دەدایەوە كە لەلایەن ئەو كۆمپانیایانەوە پێشكەش دەكران، بە ئامانجی ئاسانكاری بۆ پرۆسەی پێشكەشكردنی ئۆفەر و ئامادەكردنیان لەسەر ئاستی پێویست.
رونیشیكردەوە: رێژەی بەرهەمهێنانی چاوەڕوانكراو بۆ بلۆكەكان بە 700 بۆ 750 هەزار بەرمیل لە ڕۆژێكدا خەمڵێندراوە، ئەمە جگە لە وەبەرهێنانی 850 ملیۆن پێ‌ سێجا  غاز لە ڕۆژێكدا ، بەڵام ئومێدەوارن ئاستی ڕاستەقینە لە ئاستی خەمڵێنراو زیاتر بێت.
راشیگەیاند: كێڵگە هەن كە ئێستا بڕێكی زۆر غاز بەرهەم دەهێنن كە دەدرێنە تۆڕی نیشتمانی كە پێداویستیەكانی وێستگە جۆراوجۆرەكانی كارەبا دەبین دەكەن، بەو پێیەی ڕێژەی وەبەرهێنانی غاز گەیشتووەتە زیاتر لە 65%، لەكاتێكدا ئەو بڕانەی كە تا ئێستا وەبەرهێنانیان لەسەر نەكراوە، لە 35%ی كۆی بڕی غاز تێناپەڕێت.
رونیشیكردەوە: هەموو كێڵگە غازییەكان گرێبەستیان بۆ كراوە بۆ ئەوەی لەڕێگەی گرێبەستی جۆراوجۆرەوە وەبەرهێنانیان بۆ بكرێت، و وتیشی: گرێبەست هەیە لە پارێزگای زیقار واژۆ كراوە و ئێستا بە گرێبەستكردن لەگەڵ (كۆمپانیای ئەمریكی بەیكەر هیوز) جێبەجێ دەكرێن، كە ڕێژەی تەواوكردنی گەیشتووەتە زیاتر لە 65%، هەروەها گرێبەست لەگەڵ كۆمپانیای تۆتاڵی فەڕەنسی واژۆ كراوە بۆ وەبەرهێنانی غاز لە پێنج كێڵگەی نەوتی (كێڵگەی مەجنوون، كێڵگەی ڕۆژئاوا قورنە 2، كێڵگەی لەحیس، كێڵگەی توبا و كێڵگەی ئەرتاوی) و لەڕێگەی ئەم گرێبەستانەوە هەموو ئەو غازەی كە تا ئێستا سوتاوە، وەبەرهێنان دەكرێت.
جەختیشیكردەوە: وەزارەتی نەوت پلانی هەیە تا سەرەتای ساڵی 2028 بە تەواوی سووتانی غاز ڕابگرێت، و هەموو ئەو غازەی بەرهەم دێت بۆ بەرهەمهێنانی وزەی كارەبا و پیشەسازییەكانی دیكە بەكاربهێنێت، و وتیشی: غازی عێراقی لە ئاستی جیهانیدا بە تایبەتمەندییەك جیادەكرێتەوە كە جیاوازە لە جۆرەكانی تری غاز، بەو پێیەی ڕێژەیەكی بەرزی پێكهاتەی ئیسانی تێدایە، كە دەتوانرێت لە پیشەسازییەكانی پترۆكیمیاییدا بەكاربهێنرێت.