لەسەر رووداوەكەی قەرەداغ...دەزگای ئاسایشی هەرێم روونكردنەوەیەكی بڵاوكردەوە

ئەمنی

9-08-2024, 22:10

+A -A

هەولێر -INA
دەزگای ئاسایشی هەرێمی كوردستان رایگەیاند، لە ناوچەی قەرەداغ هەوڵی دەستگیركردنی باندێكی دەرهێنان و بردنی شوێنەواریان داوە و لە كاتەدا رووبەڕوویان بوونەتەوە ، دوو كارمەندی ئاسایش شەهیدبوون".
دەزگای ئاسایشی هەرێمی كوردستان لە راگەیندراوێكدا كەدەستی ئاژانسی هەواڵی عێراقی(INA) كەوتووە تێیدا هاتووە" پاشنیوەڕۆی ئەمڕۆ هەینی9ـی ئابی 2024، كاتژمێر 17:00 مەفرەزەیەكی ئاسایشی قەرەداغ لە ناوچەیەكی شوێنەوار لە ئەركدابوون".
دەزگای ئاسایشی هەرێمی كوردستان لە راگەیەندراوێكدا بڵاویكردەوە، لەو كاتەدا چەند كەسێكی چەكدار بەمەبەستی دەرهێنان و بردنی شوێنەواری 'نەرامسین' لە ناوچە شوێنەوارییەكە بوون، ڕووبەڕووی مەفرەزەكەی ئاسایش بونەتەوە.
دەزگای ئاسایش لە راگەیەندراوەكەیدا ئاماژە بەوەشكراوە، بەهۆی رووبەڕووبوونەوەكەوە دوو كارمەندی ئاسایش شەهیدبوون، تیمەكانمان لە هەوڵەكان بەردەوامن بۆ دەستگیركردنی تۆمەتباران.